DILI, STLTIMORLESTE.com – 1 Janeiru hanesan loron foun ba tinan 2025, tanba nee ema hotu presiza reflete aan, hodi banati tuir espiritu moris.
Padre Vigariu Parokia Alas, Abril dos Santos, OFMV hatete, festa Natal selebra loron Kristu neebe mai nuudar Maromak los, mai moris hamutuk ho ema hotu, nuudar Maromak lo-loos atu hadame fali ema ho Maromak.
“Loron dahuluk husi tinan 2025, fulan Janeiru, konvida ita atu reflete no banati tuir espiritualidade moris, moris aprende hanesan Maria, neebe sai inan diak. Tanba nee selebrasaun Natal ho tinan foun, espera loron mundial ba pas”, katak Padre Abril dos Santos liu husi nia omilia, bainhira prezide misa iha Alas, Wedauberek, Kuarta (01/01/2025).
Tuir nia, ohin loron 1 Janeiru 2025, selebra loron Maria Maromak nia inan, tuir kalendariu neebe iha, loron ohin selebra loron solenidade Maria Maromak nian ka loron mundial ba pas
“Maria Maromak nia inan, tanba nia mak reprezenta Maromak. Tanba née Kristu neebe moris iha dia 25 Dezembru, mai lori dame no pas”, hatete Padre Abril dos Santos.
Padre mos kestiona, selebra festa ho haksolok no pas nian, maibe realidade laiha pas, iha 24 kalan mai too loron 1 fulan Janeiru née, rona mak tuku malu, baku malu. Selebra festa ksolok no dame, maibe hanya sekedar selebra deit, tanba rona mak baku malu.
(gui)
