DILI, STLTIMORLESTE.com – Nasaun Kamboja iha komitmentu makaas hodi suporta Timor Leste atu adere lalais ba membru ASEAN.
Kestaun nee hatoo husi Diretór-Jerál Asuntu Bilaterál bá Ázia no Oseánia MNEK, Marcos da Costa ba jornalista bainhira remata akompanha Prezidente Republika Jose Ramos Horta simu karta kredensia husi Embaixador Kamboja ba Timor Leste iha Palasiu Prezidensial Nicolau Lobato, Dili, Tersa (29/04/2025).
Diretor dehan ohin marka pasu importante tanba embaixador Kamboja entrega tan karta kredensia ba Prezidente Republika Jose Ramos Horta, no kambodia mos iha komitmentu boot hodi suporta makaas ba Timor Leste atu adere ba ASEAN.
“Kamboja Kontinua aposta sira nia suporta apoiu Timor Leste sein rezerva, I sira mos foin lalais nee hatoo tan ou reintera sira nia posizaun ida nee atraves de halo karta ba primeiru Ministru Malazia atu fo hatene katak kambodia kontinua suporta I husu mos kolega sira membru pais asean atu suporta mos Timor Leste nia adezaun ba ASEAN,” katak Diretor MNEK.
Nia hatete iha enkontru nee foka liu ba bilateral entre nasaun RUA Timor Leste ho Kambodia iha nomos rejional nia neebe durante nee Timor Leste hetan husi kambodia liu liu esforsu tama ba iha ASEAN.
(eme)
