DILI, STLTIMORLESTE.com – Eis Embaixadora Timor Leste (TL) ba Nova Zelandia, Felicidade de Sousa Guterres hatete, TL ho Nova Zelandia asina akordu ona, tanba nee Maiu 2025 trabalhador Timoroan bele servisu ona iha Nova Zelandia.
Haktuir Felicidade de Sousa Guterres ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensial Bairo Pite, Tersa (19/11/2024).
Eis Embaixador nee hatete, ohin enkontru ho Prezidente Republika hodi relata saida mak nia halao misaun durante akredita iha Nova Zelandia, nia mos informa ba Prezidente Republika katak, embaixadora nia misaun remata ona.
Nia dehan, durante tinan 3 iha Nova Zelandia tinan 1 labele halo servisu tanba Covid-19, no iha tinan rua nia laran mak iha programa lubuk ida embaixada tenta atu halo no halo ona akordu ho Governu Nova Zelandia, tanba nee fulan Maiu tinan oin Timoroan bele halo ona servisu iha nasaun refere.
Nia hatete, tuir planu no programa iha fulan Maiu tinan oin trabalhador Timoroan bele ona ba servisu iha Nova Zelandia.
(eme)
One Response
Hau Nia naran completo: Sarmiento Gusmão
Husi municipio: Baucau
Postu : administrativo De Laga
Sucu: Nunira Aldeia lalulai