DILI, STLTIMORLESTE.com – Komemorasaun loron Proklamasaun Independensia 28 Novembru neebe mak realiza iha RAEOA, Polisia Nasional Timor Leste (PNTL) liu husi Unidade Patrulhamentu Fronteira prontu apoiu seguransa hodi garante situasaun.
Komandante Unidade patrulhamentu Fronteira, Superintendente Asistente, Euclides Belo hatete, klaru katak Komando UPF simu ona despaisu no parada ba iha loron Proklamasaun Independensia iha Oekusi.
“Hau rasik ho ekipa sei aranka ba Oekusi Ho marítima ho roo ba halo preparasaun no sira neebe iha pasaporte atravesa husi Mota ain, tanba nee mak ba seguransa iha Oekusi UPF la halo mesak, ita iha apoiu husi FALINTIL-FDTL,” dehan Superintendente Asistente, Euclides ba jornalista sira iha Akademia Polisia Komoro, Dili, Kuarta (20/11/2024).
Nia dehan, barak liu fo apoiu ba UPF lina fronteira garis kinur ba komunidade sira, tanba nee mak agradese ba sira, espera katak ho loron Proklamasaun Independensia nian neebe mak sei halao iha Oekusi nee sei iha partisipasaun masimu no nia seguransa sei lao ho diak nafatin, tanba UPF nia knaar mak seguransa lina fronteira ba ema hotu-hotu.
“Ami nia knaar nebe ami asumi, seguransa neebe ita garantia mak hanesan vizita Sua Santidade Amu Papa nian mai Timor Leste, peregrinu sira husi Indonzia mai iha nee kuaze mill otal ba leten, ita iha kapasidade para bele garantia no ami nia kooperasaun no kolaborasaun,” dehan nia.
(mar)
