DILI, STLTIMORLESTE.com – Ministeriu Edukasaun (ME) ezekuta ona ninia orsamentu Jeral Estadu (OJE) tinan 2025 kuaze 60% husi total orsamentu neebe alokadu porvolta millaun US$ 113.
Informasaun nee hatoo husi Ministra Edukasaun, Dulce de Jesus Soares ba STL iha Salaun Auditorium Ministeriu Finansa Aitarak laran, hafoin aprezenta tentativa proposta Orsamentu Jeral Estadu (OJE) tinan 2025 liu husi enkontru Komisaun Revizaun Orsamental, Tersa (05/08/2025).
Ohin dadersan Ministeriu Edukasaun hetan oportunidade primeiru iha enkontru Komisaun Revizaun Orsamental Tinan 2026, Ministeriu Edukasaun simu ona tetu orsamentu millaun US$ 94 neebe aloka ba salariu e Bensimentu, bens serbisu nomos transferensia publika, sedauk aloka ba kapital menor nomos kapital Dezenvolvimentu.
“Programa Ministeriu Edukasaun, ita mantein nafatin ho programa, primeiru reforsa institusional, edukasaun pre-eskolar, ensino Baziku, edukasaun ensino jeral tekniku vokasional nomos ensino rekorente,” dehan nia.
Tuir informasaun neebe iha Portal transparansia neebe horseik Ministeriu Finansa aprezenta ona ba iha Konselhu Ministru (KM), Ministeriu Edukasaun ninia ezekusaun orsamentu Jeral estadu tinan 2025, atinji ona 60%, husi orsamentu Milhoens US$ 113.
Ministeriu Edukasaun kontinua mantein nafatin ninia portofolio tuir organokramika IX governu konstitusional neebe hatuur iha konstitusional dehan katak, ministeriu Edukasaun atu garante kualidade edukasaun Timor Leste (TL) sira nia oan sira liu husi meus oi-oin, liu husi programa neebe laos foun maibe programa sira nee, sei fo kontinuidade ba programa sira neebe iha ona nomos mosu programa ida ka rua hanesan inovasaun iha prosesu aprendizajen nomos iha aprosimasaun seluk tan.
Responde kona ba governu liu husi Ministeriu Edukasaun, sempre tau programa prioridade maibe profesores kontinua halerik katak, ohin diskusaun nee haree kona ba asuntu profesores sira.
“Ita boot sira akompanha katak Ministeriu Edukasaun, halo ona rekrutamentu ba profesores foun ba iha nivel ensino pre-eskolar, ensino baziku nomos ensino sekundariu jeral no tekniku professional, tanba nee tempu badak, iha fulan Agostu tinan 2025 nia klaran, sei kaloka tan profesores 700 ital profesores ba iha ensino jeral no ensino tekniku professional nomos iha tinan 2026, Ministeriu Edukasaun mos iha porvolta de 1000 ital profesores neebe maka sei reforma, entaun rekrutamentu sei kontinua lao nafatin atu priense vagas sira neebe mamuk hela iha neeba nunee mos iha tempu badak mos halao ona serbisu entre Ministeriu Edukasaun ho Komisaun Funsaun Publiku (KFP) ho institute Nasional Siguransa Sosial (INSS) atu halo mudansa ba profesores porvolta 100 ital profesores neebe durante nee sofre moras prolongada, nunee mos profesores sira balun mate, tanba nee proesesu nee kontinua lao tuir pakote ministeriu edukasaun halo tiha ona hanesan faze primeiru hodi distiti, atu haree nesesidades profesores tuir nesesidade eskola.
Tuir observasaun STL iha Salaun Auditorium Ministeriu Finansa, enkontru Komisaun Revizaun Orsamentu tinan 2026 neebe naktaka ba Publiku, lidera husi Primeiru Ministru (PM), Kay Rala Xanana Gusmao ho Visi Primeiru Ministru nain rua nomos Ministru sira hotu husi kada ministeriu aprezenta sira nia programa no planu orsamentu no hahu deskuti iha loron dahuluk neebe aprezenta husi Ministeriu Edukasaun.
(jos)
