DILI, STLTIMORLESTE.com – Portavoz eis profesores kontratu 2023 pasa ona iha teste espesiál bolsa kandidatu profesores ba nivel sekundariu no tekvo, no aplikantes 8779 la pasa iha teste refere, agora daudaun iha faze atualizasaun dadus.
Lia hirak nee hatoo husi Diretor Nasional Rekursu Umanu iha Ministeriu Edukasaun, João Amaral ba jornalista STL iha nia knaar fatin Vila Verde, Kuarta nee (18/06/2025).
“Teste jeral 788 mak pasa iha teste bolsa kandidatu profesores ba nivel Sekundariu Jeral no tekvo, teste jeral la pasa nee iha 8779, kona-ba porta voz eis profesores kontratu 2023 horseik mai hakarak tuir teste ami fo teste, horiseik halo teste ho konhesimentu neebe mak iha pasa ho valor 68 no husi ME aumenta tan 10 pontus, entaun ninia valor 78. Dadus nee provizoriumente, agora ami sei atualiza hela dadus, hotu ami sei halao konferensia ho media sira,” dehan nia.
Nia dehan, agora daudaun tama iha atualizasaun dadus husi teste neebe mak halao ona iha loron 19 fulan Maiu, too horiseik loron 17 fulan Junhu remata ona, tantu teste nee halao jeral no espesiál ba eis profesores kontratu 2023.
(jac)
One Response
Oinsa ho ami sira nebe la pasa iha teste nee sei iha fali oportunidade ba repetir fali teste kalae?