DILI, STLTIMORLESTE.com – Prezidente APORTIL, José de Oliveira Leong hatete, roo Berlin Nakroma halo operasaun Dili-Atauro lao normal hanesan baibain.
“Hau hanoin operasaun roo Berlin Ramelau lao normal hela, agora daudaun halo operasaun husi Dili ba Atauro, maibe iha semana kotuk ita iha duni problema kiik ida, laos problema mesin, maibe problema iha ninia sistema eletrika, tanba iha momentu neeba halo manutensaun sira tau sistema uza software nee tau too iha loron 10 Junhu, nunee iha loron nee software nee mesak para,” hatete Prezidente APORTIL, José de Oliveira Leong ba jornalista STL iha Edifisiu APORTIL, Kuarta nee (18/06/2025).
Maibe halo esforsu tomak hotu, tanba iha eletrik uza fali zen set ida para fornese eletrik ba iha roo, agora daudaun diak halo operasaun Dili-Atauro.
Nia haktuir, situasaun nee laos foin akontese nee, maibe hau mai hetan informsaun Konselhu anterior roo uluk antes ba halo manutensaun iha Surabaya mos nia problema eletrika hanesan nee, nunee sira fo autorizasaun uza zen set ida fornese eletrik hodi ba Surabaya halo manutensaun nee fila fali ba Timor.
Tanba nee atu hatoo ba publiku liu-liu populasaun iha Atauro katak roo lao normal hela, roo para loron ida rua hahu fali halo operasaun.
Nia dehan, roo rua nee dadi duni populasaun Dili ba mai Dili nomos roo Berlin Ramelau Dili-Oekusi.
“Ami perioridade loloos mak konektividade tenke lao, ida nee too agora roo halo operasaun normal hela, no ami hein kompanhia haruka nia ema mai atu setting fali sistema nee, tanba kontratu ho kompanhia, nunee haruka nia ema mai,” dehan nian.
Nia dehan, roo funsiona lao normal los, roo para nee iha loron 10 -11 Junhu, loron rua, tanba sistema eletronik deit, tanba uza software too loron 10 Junhu nia mesak para, maibe agora roo diak hela 100%.
(joa)
