DILI, STLTIMORLESTE.com – Prezidente Republika (PR), Jose Ramos Horta vizita trabalhu ba Monako hodi hametin Timor Leste (TL) nia parseria internasional, iha biban nee Prezidente aprezenta Dezenvolvimentu TL inklui mos nasuan neebe nakonu ho pas ba Liurai Monako, Alberto II Principe do Monako.
Tuir informasaun neebe STL asesu Kuarta nee (25/06/2025) katak, Prezidente nia vizita trabalhu ba Monako hahu husi loron 23 too 25 Junhu sublina diplomasia multilateral no envolvimentu juventude liu husi atividade xave balu.
Sekjen G7+ Helder da Costa hatete, Prezidente Republika Jose Ramos Horta aprezenta situasaun TL inklui dezenvolvimentu TL nia ba liurai Monako.
Iha vizita nee Prezidente Republika hasoru liurai Monako iha enkontru nee Prezidente aktualiza kona-ba progresu neebe agora iha TL.
“Prezidente aktualiza progresu neebe agora iha TL nasaun ida pas, dame, laiha violensia, depois nasaun ida fo atensaun makaas ba konserva marina no konsistensia depois nasaun ida beleza natural atrai turista no ema sientistika sira ba iha Timor haree ikan lumbah Lumbah sira nee, depois Prezidente mos update kona-ba dezenvolvimentu Timor nia inisiativa lubuk ida mak Governu agora halo hodi dada investidor, turista no sietifika ba TL mais neebe nakloke aan,” dehan nia.
Sekjen G7+ iha hasoru malu nee Prezidente Republika update kona-ba dezenvolvimentu Timor nia katak IX Governu iha tebes vontade atu dezenvolve, hodi dada turista no ema sientifika sira hodi mai vizita, no Timor Leste nasaun ida neebe nakloke aan tebes hodi simu ema husi nasaun oin-oin hodi vizita nasaun nee.
Liurai Monako hanesan ema kampiaun no nia mos hanesan peritu ba siensia kona-ba maritima nia apresia tebes ba progesu neebe Timor leste imprenta.
Aleinde nee Prezidente Republika TL mos konvida nia, tanba nee nia sei buka hodi vizita rejiaun sudeste Aziatiku Singapura, talves liu ba Labuan Bajo Komodo no buka tenta ba mos Timor Leste iha fulan Novembru 2026.
Iha biban nee Liurai Monako Alberto II Principe do Monako apresia tebes ba TL, husu mantein pas no estabilidade para haree ba povu nia diak no haree povu nia prospriedade tanba ohin loron mundu nakonu ho krize, tanba nee TL nafatin luta ba pas no aposta iha multilaterismo.
(eme)
