DILI, STLTIMORLESTE.com – Polísia Nasionál Timor Leste (PNTL) liu husi Diresaun Servisu Investigasaun Kriminál (DSIK) ho Servisu Migrasaun Timor Leste halo operasaun konjunta tuku 09:30 ho balun asegura labarik feto nain neen (6) nee iha hotel balun neebe lokaliza iha Dili laran nee halo atividade prostituisaun infantil pratika explorasaun seksual ba labarik minoridade.
Nia dehan, bazeia ba informasaun neebe PNTL simu iha loron Segunda (30/06) tuku 09:00 kalan, autoridade seguransa forma ekipa iha kompostu husi Diresaun Servisu Investigasaun Kriminál (DSIK) ho Servisu Migrasaun Timor Leste halo operasaun konjunta ba hotel balun iha Dili laran fasilita labarik feto nain neen (6) halo atividade prostituisaun infantil pratika explorasaun seksual ba labarik minoridade.
“Iha operasaun konjunta nee ita asegura labarik nain 6 ne’ebé hotel balun fasilita sira halo atividade prostituisaun infantil pratika explorasaun seksual ba labarik minoridade, transporta kedan mai iha edifisiu Kuartel Jeral PNTL halo identifikasaun komunika ba kedan ho familia sira entrega fila ba uma hodi hein prosesu tuir mai,” Porta Voz Polisia Nasionál Timor Leste (PNTL), Superintendente Xefe Polisia João Belo dos Reis ba jornalista sira iha sala konferensia kuartel Jerál PNTL Kaikoli Dili, Tersa (01/07/2025).
João esplika, bainhira asegura tiha labarik feto nain neen nee, ekipa konjunta mos bolu kedas nain ba hotel no trabalhador sira hamutuk ho bainaka sira neebe ba vizita iha hotel no hodi halo identifikasaun.
“Hotel nain no trabalhador sira nee iha halo hotu ona identifikasaun ba sira, daudaun nee ekipa prepara hela relatoriu auto notisia atu aprezenta ba Ministeriu Publiku (MP) kontinua halo prosesu tuir lei neebe vigora iha Timor Leste,”nia tenik.
Nia esplika, ligadu ho kazu prostituisaun infantil pratika explorasaun seksual ba labarik minoridade nee, Polísia Nasionál Timor Leste (PNTL) husu ba públiku, inan aman tenke sai edukador diak kontrola oan sira movimentu oras tama no sai husi uma, nunee sira labele sai vitima ba grupu balun neebe ho intensaun la diak halo explorasaun seksual ba labarik feto sira neebe ho idade minoridade.
“Ligadu ho kazu nee hanesan autoridade seguransa PNTL husu ba inan aman tenke sai edukador diak kontrola oan sira movimentu oras tama no sai husi uma, nunee sira labele sai vitima ba grupu balun neebe ho intensaun la diak halo explorasaun seksual ba labarik feto ho idade minoridade,” deklara.
Iha fatin ketak, Diretora Nasional Resiesaun Komunitaria MSSI, Manuela Oliveira Martins informa, Ministeriu Solidariedade Sosial no Inkluzaun nia parte atu haree liu ba been estar sosial, maibe sira involve direita labarik feto sira nee parte segurasa nian para atu haree liu ba asuntu nee.
“Ita nia parte asegura katak, hahalok aat sira hanesan nee labele akontese, entaun ita nia pontu vokal bazeia ba jeneru eziste hotu iha munisípiu sira hotu, inklui Munisípiu Dili ita sempre kestiona kona-ba violasaun neebe numeru aas, ita nia involvimentu alin feto sira barak iha kazu sira neebe violasaun seksual no lori labarik feto sira ba involve iha situasan perigu, laos perigu deit ba ita. Iaos isin lolon deit, maibe ba moos ita nia saude,” nia deklara.
Nia koalia, MSSI buka para servisu hamutuk, atu nunee papel nee servisu intergradu nomos tenke asegura katak, labarik feto sira protesaun neebe segura ba labaraik sira.
“Ita servisu bazeia ba Lei protesaun ba labarik, Lei kontra Violensia Domestika nee fo kompetensia neebe mak rigorozu tebes ba nia implementasaun, tanba nee mak MSSI la haree ba prosesu legal, MSSI haree wanhira iha probelma sosial, wanhira involve ita alin feto sira nee papél ami nian, no ita halo servisu nee referal,” nia afirma.
(jen)
