DILI, STLTIMORLESTE.com – Relasiona kazu neebe akontese explorasaun seksual ba labarik ho idade minoridade iha hotel balun, tanba nee Ministeriu Interior (MI) liu husi Polísia Nasionál Timor Leste (PNTL) sei kontinua halo operasaun tama sai hotel sira iha Dili laran labele fo fatin ba ema estranjeiru no Timoroan sira neebe hakarak halo explorasaun seksuál ba labarik minoridade sira iha Timor Leste (TL).
“Kazu hanesan nee ita kontinua halo operasaun tama sai hotel sira iha Dili laran no munisipiu sira atu labele fo fatin ba ema estranjeiru no Timoroan sira neebe hakarak halo explorasaun ba abarik minoridade sira iha Timor Leste,” Portavos PNTL Superintendente Polisia João Belo dos Reis ba jornalista sira liu husi konferensia imprensa neebe halao iha edifisiu Ministeiru Interior (MI), Kinta (03/07/2025).
Nia dehan, evolusaun seguransa durante semana ida hahu iha loron 22 fulan Junhu too loron 03 fulan Julhu 2025 situasaun la’o diak no kontroladu, maibe autoridade seguransa PNTL ho nia aliadu parseiru sira kontinua halo servisu kontrola seguransa iha Territoriu Timor Leste garante nafatin estabilidade paz ho hakmatek ba povu no nasaun.
Portavoz PNTL informa, iha kazu balu neebe akontese iha loron hirak liu ba iha hotel balun iha Dili laran halo explolasaun seksual ba labarik minoridade, hafoin ekipa konjunta halo operasaun konsege asegura labarik nain neen (6) iha hotel neebe fasilita halo explorasaun seksual hodi halo idetifikasaun rezultadu auto notisia aprezenta ona ba Ministeriu Publiku (MP), hodi kontinua halo prosesu tuir lei neebe vigora iha Timor Leste.
Iha fatin ketak, Diretora Nasional Resiesaun Komunitaria iha Ministeriu Solidariedade SosialnoInkluzaun (MSSI), Manuela Oliveira Martins informa, MSSI nia parte atu haree liu ba been estar sosial, maibe sira involve direita labarik feto sira nee parte segurasa nian para atu haree liu ba asuntu nee.
“Ita nia parte asegura katak, hahalok aat sira hanesan nee labele akontese, entaun ita nia pontu vokal bazeia ba jeneru eziste hotu iha munisípiu sira hotu inklui Munisípiu Dili, ita sempre kestiona kona-ba violasaun neebe numeru aas, ita nia involvimentu alin feto sira barak iha kazu sira neebe violasaun seksual no lori labarik feto sira ba involve iha situasan perigu, laos perigu deit ba ita, Iaos isin loron deit, maibe ba mos ita nia saude,” nia deklara.
Nia koalia, MSSI buka para servisu hamutuk atu nunee papel nee servisu intergradu nomos tenke asegura katak, labarik feto sira protesaun neebe segura ba labaraik sira.
“Ita servisu bazeia ba Lei protesaun ba labarik, Lei kontra Violensia Domestika nee fo kompetensia neebe mak rigorozu tebes ba nia implementasaun, tanba nee mak MSSI la haree ba prosesu legal, MSSI haree wanhira iha problema sosial, wanhira involve ita alin feto sira nee papél ami nian, no ita halo servisu nee referal,” nia afirma.
(jen)
