DILI, STLTIMORLESTE.com – Timor Leste (TL) nafatin hametin lasu amizade ho nasaun hotu iha mundu no kontinua promove pas no estabilidade.
Lia hirak nee hatoo husi Primeiru Ministru Kay Rala Xanana Gusmão ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Tersa (08/07/2025).
Primeiru Ministru dehan, ohin mai hatoo agradese ba Prezidente Republika Jose Ramos Horta ba Prezidente laran luak hodi apoiu no partisipa mos konferensia Komunidade Luzufona Aziatiku, ema hotu kontente no sira hotu kontente tanba balun fila tanis, ida nee sai identidade mos.
“Ita ukun aan tiha ona maibe sira iha Srilanka, Luanda no seluk tan sira la ukun aan, maibe buat ida halo ita hakbesik ba malu ida nee importante, ba ita ba Timor importante hodi fo hatene mos ba mundu katak kontinua iha lasu amizade entre komunidade ho rai seluk nia, ita bele garante pas iha mundu, iha tempu ida neebe ita labele koalia pas, ita husu ba malu nee laos lae, funu nee bainhira atu oho hotu tiha ema,” katak PR Horta.
PM Xanana hatete, mundu ohin loron nee lei internasional nee aplika deit ba, kuandu rai bobot iha intrese nee seidauk.
“Hanesan problema gaza, imi kala tuir loron-loron, problema Ukrania, tanba nee asoens hanesan loron ida loron rua ita hasoru malu ho komunidade Luzufona Aziatiku, buat nee halo ita fo laran ba malu hodi bele asegura pas iha rejiaun, bele mos pas iha mundu,” katak PM Xanana.
Xefe Governu hatete, Primeiru Ministru Português hakerek surat ida mai Timor Leste hodi kongratula, depois hotu Ministru Negosiu Estranjeiru Portugal mos dehan eventu konferensia Komunidade Luzufona Asiatiku nee tinan seluk ba halo iha Portugal, sira mos sente katak atividade nee diak komunikasaun diak entre povu.
Aleinde nee orsamentu 2026 menus husi US$ 1.8 karik nia razaun tanba saida? Ka membru Governu mak la ezekuta ho diak ka oinsa? Hatan ba kestaun nee Primeiru Ministru dehan seidauk diskute tan.
Aleinde nee nesesariu ona ka lae, Primeiru Ministru halo avaliasaun ba servisu membru Governu dala barak jornalista lao ba mai haree Governu nia servisu, tanba nee halo tiha avaliasaun mak entrega ba PM para ba hasai tiha hotu.
Maibe antes nee Primeiru Ministru rasik mak deklara katak sei halo remodelasaun ba membru Governu maibe ohin loron seidauk akontese? Hatan ba kestaun nee Primeiru Ministru hatete “kada fulan ida hau ba hasai hau ba hatama fulan seluk fali hau hasai hau hatama buat nee nunee fulan-fulan ita hasai ita hatama,” hakotu PM.
(eme)
