DILI, STLTIMORLESTE.com – Segundu Komandante Jerál Polísia Nasionál Timor Leste (PNTL), Komisariu Polísia Pedro Belo apresia Seguransa Polisia Nasionál Timor Leste (PNTL) asegura abertura jogu Desportu Eskolar CPLP epoka 2025 iha Estadiu Munisípal Dili lao diak ho susesu.
Nia dehan, iha abertura jogu Desportu Eskolar CPLP 2025, autoridade seguransa PNTL dedika sira nia aan tomak ho sakrefisiu, maske kolen, maibe lao diak too remata.
“Hau apresia tebes seguransa ohin abertura jogu Desportu Eskolar CPLP nee lao diak tebes, hau fo parabens ba imi hotu, maibe ohin iha naksala balun ita hadia aban kontinua asegura atividade jogu Desportu Eskolar CPLP epoka 2025 iha Timor-Leste tenke lao diak,” Segundu Komandante Jerál Polísia Nasionál Timor Leste (PNTL), Komisariu Polísia Pedro Belo ba jornalista sira iha Estadiu Munisípal Dili sabadu (19/07/2025).
Entretantu serimonia abertura jogu Desportu Eskolar CPLP epoka tinan 2025, nee husi Visu Primeiru Ministru, Ministru Koordenador Assuntu Sosiais, Mariano Assanami Sabino no Ministru Juventude, Desportu, Arte no Kultura (MJDAK) nomos membru Governu sira, iha mos partisipa husi Komandante Jerál PNTL Komisariu Jerál Polísia Henrique da Costa, ho Segundu Komandante Jerál PNTL Komisariu Polísia Pedro Belo akompanha husi Presidente ho Visi AES-PNTL, Membru Governu, Parlamentu Nasionál, Tribunál, PDHJ, delegasaun ho atleta sira husi nasaun membru CPLP no Komunidade iha Timor Leste.
(ter)
