DILI, STLTIMORLESTE.com – Prezidénte Repúblika (PR), Jose Ramos Horta iha loron Domingu (20/07/2025) fila hikas husi Guinea-Bissau mai Timor Leste, hafoin partesipa iha Simeira CPLP iha Guinea-Bissau.
Tuir Xefi Estadu nee katak, iha Simeira Xefe Estadu Governu CPLP nian neebe iha tinan ida nee tinan rua mai iha Guinea-Bissau, Prezidente ho Xefe Estadu sira seluk balu la konsege ba, tanba situasaun interna sira nian, maibe reuniaun lao diak, kleur ona mak la la Guinea-Bissau, uluk iha neeba, nuudar reprezentante ofisial Sekretariu Jeral nian.
“Iha progresu oituan la barak no situasaun kalma iha planu boot liu neebe atu koalia prioridade mandatu hanesan Prezidente Guinea-Bissau nian, kona-ba seguransa alimentar oinsa nasaun sira CPLP bele hadia dezafiu boot neebe seguransa alimentar iha idak-idak nia rain,” dehan Xefe Estadu ba jornalista sira iha Aereportu, Domingu nee.
Esplika tan, iha rai sira CPLP nee, rai rua deit mak la iha problema seguransa alimentar, Brazil esportador mundial boot hahan ba mundu tomak, no iha Portugal auto sufisiente.
Xefe Estadu afirma, sira seluk hanesan Timor Leste nasaun sira neen iha Afrika parte CPLP dezafiu tinan neen nia laran ona, sira seluk tinan 50 independensia too ohin la konsege rezolve problema balu, tanba mudansa klimatika dala ruma udan boot sobu buat hotu dala ruma udan la iha, la konsege preve klima.
Nunee estratejia boot laos tinan rua deit mandatu Guinea-Bissau nian, maibe kada rai ida hatene garante seguransa alimentar tenke dezenvolve agrikultura, be mos ida nee maka parte prinsipal husi Simeira iha Guiné-Bissau nian.
Antes nes PR viajen ba iha Guinea-Bissau iha loron 15/07/2025 hodi partisipa iha XV Konferénsia ba Xefe Estadu no Governu Komunidade País sira Lian Portugés (CPLP) nian.
Simeira nee halao iha Prezidénsia Jenerál Umaro Sissoco Embaló, Prezidente Repúblika Guiné-Bissau, marka aniversáriu CPLP nian ba dala 29 ho sentru iha tema: “CPLP no Soberania Alimentár: Dalan ida ba Dezenvolvimentu Sustentável”. Líder sira CPLP nian sei diskute dezafiu urjente sira, inklui kooperasaun rejional, seguransa alimentar, no reziliensia ekonomika.
Tuir observasaun STL nian, Prezidente Repúblika, José Ramos Horta ho delegasaun too iha Dili ho aviaun Royal Air Marroc, hafoin partisipa iha Simeira CPLP iha Guinea-Bissau iha Salaun Aeroportu Internasionál Nicolau Lobato Komoro.
(ter)
