DILI, STLTIMORLESTE.com – Komisaun Organizadora ba jogu Desportu Comunidade dos Países de Língua Portuguesa (CPLP) ba dala XII, ohin laiha jogu futebol, tanba iha altera ba modalidade futeból ba loron ohin.
Nia dehan, razaun tanba ekipa Portugual, Angola, Cabo-Verde nomos Timor Leste persiza tempu rekopera deskansa.
“Maneira jogu hotu halao iha loron aban, tanba nee ohin ita kansela laiha jogu futebol atu altera orariu atu nunee sira bele deskansa,” hatete Komisaun Organizador ba Futebol jogu CPLP, João Kampus ba jornalista sira liu husi konferensia imprensa iha CCD, Segunda (21/07/2025).
Nia esplika, tuir lo-loos ohin jogu ekipa Futebol Timor Leste kontra Cabo-Verde, maibe alterasaun tiha no adia fali ba loron 22 Julhu, oras 19:00 OTL.
Nia hatutan, jogu kalan nee primeiru Timor Leste ho Portugal, maibe segundu jogu Portugal kontra Angola sei hahu iha oras 21:00 OTL, loron neebe hanesan.
Nia informa, iha loron 23 fulan Julhu nee laiha kompetisaun futebol no sei realiza fali iha loron 24 Julhu, Portugal ho Kabo-Verde iha oras 21:00 OTL.
Nia deklara, iha loron 25 Julhu nee jogu futebol laiha, sei iha fila-fali iha loron 26 Julhu hodi haree terseiru lugar ba iha jogu final nian. Terseiru lugar sei halo iha Kampu Bekora iha meudia 13:30 OTL.
Entretantu jogu final modalidade futeból ba primeiru lugar nian sei halao iha Estadiu Munisípal Dili ho oras 16:00 OTL.
(jen)
