DILI, STLTIMORLESTE.com – IX Governu Konstitusional apresia ba feto Timoroan neebe sai premeiru lugar iha modalidade Taekwondo.
Kestaun nee hatoo husi Koordenador Jeral Jodu CPLP Atual Sekretariu Estadu Arte no Kultura (SEAK), Jorge Soares Cristavao liu husi komferensia hodi hatoo rezultadu jogu CPLP iha CCD, Dili, Segunda kalan (21/07/2025).
Sektretariu Estadu Arte no Kultura hatete, Governu hatoo apresia ba Timoroan feto neebe partisipa iha Jogu CPLP ho modalidade Taekwondo. Iha biban nee hatoo mos agradese ba media nasional neebe transmite informasaun Jogu CPLP ba iha publiku.
SEAK hatoo agradese no obrigadu ba jornalista tomak media nasional neebe sempre apoiu tebes ba jogu CPLP, tanba ema hotu hatene katak ohin ba loron da tolu husi atividade ida nee modalidade ema akompanha katak iha ona manan nain ba modalidade neebe ohin iha, hanesan koordenador jeral neebe mak lori Prezidente komisaun Organizadora interministerial nia naran hakarak hatoo apresiasaun boot ba serbisu media neebe sempre halo aktualizasaun ba rejultadu hotu neebe mak lao.
“Primeiru hakarak hatoo parabens ba alin feto neebe mak nuudar manan nain ba primeiru lugar iha modalidade taekwondo ho pezu 46 kg neebe hatudu nia jogu diak tebes no konsege hetan primeiru lugar, “SEAK hatoo apresia ba modalidade Taekwondo neebe ohin konsege sai segundu lugar modalidade Taekwondo ho pezu 51.
“Hakarak apresia ba ita nia modalidade atletismo ho metro 150 alin feto neebe mak ohin konsege mos hodi medalha ba terseiru lugar ida nee hakarak hatoo apresiasaun no agradese wain husi parte Governu nia ba manan nain sira,” katak SEAK.
Nia hatete, hanesan ema hotu akompanha iha modalidade 5 no 4 iha atletismo neebe konsege hetan ona manan nain sira dala barakl liu pais Portugal mak kuaze domina foti hotu.
Nunee mos iha atletismo metro 6 neebe ohin iha ona kuaze final iha mos atletismo bat rez Mill metrus ba feto manan nain husi Portugal, iha mos lansamentu pezu ohin iha final iha ona main nain.
Modali
Modalidade Taekwondo feto husi Timor Leste hetan primeiru lugar hafoin halakon Portugal, Taekwondo Timor Leste liu husi Deovia Barreto da Silva ho 46 Kg rekolha osan mean nuudar 1° lugar, hodi halakon Gabriela Filipa da Silva Mendes husi Portugal nuudar 2° lugar no rekolha osan mutin. Jasmin Cassia A. do Amaral husi Angola nuudar 3° lugar, rekolha osan mutin, no Liliana Chauronbo R. Bene Moçambique sai nuudar 3° lugar rekolha osan metan.
Gustavo Valentim da Conceição Fernandes husi Portugal nuudar manan nain 1° lugar, neebe rekolha osan mean. Nelio dos Santos Martins (TLS) nuudar 2° lugar rekolha osan mutin no modalidade masculino ho 55 Kg.
Aleinde nee Lauren Cristiano Mabote Moçambique nuudar 3° lugar rekolha osan metan no Domilde J. do Ceu Flavio Fernando (Angola) nuudar 3° lugar no rekolha osan metan.
(eme)
