DILI, STLTIMORLESTE.com – Prezidente Republika (PR), Jose Ramos Horta akompanha direita jogu entre Timor Leste ho Moçambique iha jogu praia hodi observa direita jogu refere.
Iha biban nee Prezidente Republika Jose Ramos Horta ba jornalista sira iha Fatin Voli Praia Lecidere Tersa (22/07/2025) hatete, primeira vez mai asiste jogu refere.
“Primeira ves mai asiste jogu CPLP dezde hau too, no jogu nee loke hau laiha, nee hotu-hotu hatene, maibe ema hotu-hotu hatete diak tebes admira sira husi CPLP, Korpu diplomatiku sira hotu-hotu admira ho kapasidade Timor Leste nia organizasaun kompetente kreativu ho displina diak tebes ema hotu hatoo ba hau,” dehan Prezidente Republika Jose Ramos Horta.
Prezidente Republika hatete, nia foin mai haree jogu Voli Praia depois sei liu ba iha GMT hodi haree mos Jogu Taekwondo no kalan sei asiste jogu fotebol.
“Parabens ba Governu no parabens ba ministeriu sira ho federasaun neebe organiza eventu boot ida nee,” katak Prezidente Republika Jose Ramos Horta.
Iha biban nee, Prezidente Republika husu mos ba Governu presiza tau osan nunee Timor Leste bele partisipa mos joga iha rejionais no entre nasionais no internasionais.
Aleinde nee oinsa Prezidente nia haree, ohin iha jogu Voli Praia TL manan Moçambique? hatan ba kestaun nee Prezidente Republika hatete, Timor Leste manan iha jogu oin-oin.
“Timor Leste manan jogu sira hotu-hotu Taekwondo, Footbal, voli, riba malu nee Timoroan sira manan hotu ho medalha osab mean orru, Timor deit mak simu depois mak medalha riti nee fo ba seluk,” katak PR Horta.
Iha fatin hanesan, Jogador Voli Praia, Noe D. Viegas Siquera hatete, sente kontente tanba Timor Leste manan Moçambique iha jogu Voli Praia.
“Hau sente kontente joga entre Timor Leste ho Moçambique, hau sente orgulhu tebes tanba bele hetan vitoria no sai hanesan vensedor pool A nia,” katak Jogador.
Nia hatete, sente kontente tanba bele pasa ona ba faze semi finais nia iha loron aban no sai mos hanesan vensedor pool A nia.
Nia mos iha esperansa katak ho jogu aban sira sei hatudu nafatin performe neebe diak nomos nafatin hetan suporta husi adeptus sira, no fiar katak sira sei hatudu jogu neebe bonito bele tama iha finais. Nia mos fira katak sei tama ihas jogu Voli Praia tama iha finais.
Aleinde nee nia mos kontente bainhira Timor Leste joga hasoru Moçambique akompanha direita husi Prezidente Republik, ida nee fo korajen makaas ba sira.
“Sente orgulhu tebes tanba aman nasaun nia Prezidente Republika Jose Ramos Horta asiste direita, ida nee ami sente kontente no Prezensa Prezidente fo mos korajen no haforsa ami no hatudu katak Timor mos bele,” katak Jogador.
(eme)
