DILI, STLTIMORLESTE.com – Ekipa futebol nasaun Cabo Verde hetan Vitoria hafoin halakon Ekipa U-16 Timor Leste (TL), tanba iha inisiu jogu jogador Cavo Verde domina ona bola, nunee rezultadu ikus manan ho skor 4:0 iha Jogus Desportu Comunidade dos Países de Língua Portuguesa (CPLP) ba dala XII.
Jogu nee halao iha Estadiu Munisipal Dili, Tersa kalan, hahu tuku 7:00 too 8:30, jogador sira hahu tama iha kampu kanta Hino Nasional TL, nunee mos Hino Nasional Cavo Verde.
Lidera jogu kompetisaun futebol Cavo Verde VS TL husi arbitu Ailtan Cormelino ho lanhia 1, Rodrigues Varelha, Lanhia 2, Donatos Portela, Prezidente meza lidera husi Koordenador Jeral Martinho J. C Ribeiro.
Bainhira Arbitu Ailtan Cormelino huu apitu, Jogador husu Cavo Verde ho TL, Hahu lansa atake ba malu iha kampo stadion Munisipal Dili, halo adeptus sira haklalak no basa liman hodi apoiu sira nia jogadores sira no durante jogu, Cabo-Verde domina makaas kampu hodi hatudu tatika jogu.
Jogador husi Cabo Verde hahu lansa suta makaas bola ba guarda redi TL neebe hein husi João Batista, maibe konsege Salva bola nee, maibe Ekipa husi Cavo Verde, kontinua halo presaun no ameasa makaas hodi suta golu ba guarda rede TL nia area guarda redi, nunee jogador Cavo Verde ho nuneru Kamizola 6, lansa suta bola husi Parte karuk, konsege sobu guarda redi TL iha minutu 12.
Golu ida nee halo jogador U-16 husi TL komesa fuan nakdoko ona, tanba ekipa Cavo Verde kontinua halo atake ho bola badak no bola naruk, halo presaun makaas ba ekipa TL no kontinua hatama golu Rua tui-tuir malu husi jogador ho nuneru kamizola 15, nunee Skore aumenta ba 3-0 iha minutu 26, husi jogu refere defesa TL laiha forsa hodi hapara eforsu husi adversariu Cavo Verde neebe hatudu esperiensia Iha kampu too jogu primera parte remata ho eskor 3:0.
Iha jogu segundu parte, jogador husi Cabo Verde kontinua ameasa guarda rede TL liu husi suta makaas husi jogadores numeru 7 Cabo Verdi nian, hodi hamihis guarda rede TL nia esperansa hodi konkista vitoria kontra Cabo-Verde.
Hafoin intervalu durante minutu 15, ekipa rua kontinua jogu ho normal, nunee ekipa TL hetan oportunidade sobu defeza Cabo Verde hodi hakat tama ba guarda Cabo-Verde nian maibe rezultadu hatudu Timor Leste laiha golu.
Ekipa nasional TL kontinua esforsu makaas hodi domina bola iha minutu balun nia laran, maibe ekipa Cabo-Verde halo presaun makaas kontra ekipa TL, nunee Jogador TL laiha oportunidade atu hatama golu ba guarda rede Cabo Verde.
Bainhira hakat ba minutu 77 ba leten, ekipa nasional TL hetan oportunidade dala 3 tui-tuir malu hodi sobu defeza ekipa Cabo Verde nian, liu husi ameasa guarda rede Cabo Verde maibe la konsege hatama golu nunee jogador ho numeru kamizola 7 hahu aumenta golu id aba Cavo Verde, nunee rezultadu 4:0.
Vitoria Cabo Verde hetan pontu tolu no TL joga dala rua ona, hasoru Portugal no Cavo Verde, nseidak bele hetan pontus, nunee jogador sira iha esperansa atu simu rezultadu diak iha jogu sira seluk tuir mai. Adeptus Timor Leste iha estadium Dili hamutuk ho trenador no adeptus sira fo motivasaun ba jogador sira atu kontinua luta iha restu kompetisaun.
Tuir treinador Futebol ekipa U-16 TL, Efrem Geronimo dehan, durante nee sira nia preparasaun diak maibe jogador Timoroan sira nee lakon ho skor 4:0, maske sira lakon maibe la bele haluha katak iha eventu internasional sira seluk iha rejional ASEAN no liga seluk tan, TL sempre manan.
(jos)
