DILI, STLTIMORLESTE.com – Abertura Jogu Basket iha eventu Internasional Jogus Desportivu Comunidade dos Países de Língua Portuguesa (CPLP) ba dala XII, Timor Leste (TL) sai Uma nain, tanba nee Prezidente Republika (PR), Jose Ramos Horta mak abertura kompetisaun nee Angola manan TL ho skore 21 : 3.
Kompetisaun Basket nee hahu ho kanta Hino Nasional Patria-patria nomos Hino Nasional Angola, nunee PR Horta hakat ba kampu Basket entrega bola basket ba kompetitor husi TL no Angola, nunee ekipa rua hahu lansa atake liu husi Soe bola ba malu, teki-teki jogador husi ekipa husi Angola lansa dahuluk bola sobu Argola ka Redi bola basket nee nunee skor muda husi 0-0 ba 1-0, nunee ekipa jogador husi Angola nafatin domina bola hodi la fo fatin ba ekipa TL atu sobu Argola, nunee liu menutu 5 mak foin hatama bola ba argola husi ekipa TL maibe skore ba Ekipa Angola sae ona too skore 7.
Maske ekipa Angola kontinua lansa atake ho makaas liu tan, nunee sira nia bola kontinua suli nafatin ba Argola nee maibe la satan vontade jogador basket husi TL, konsege aumenta tan sira nia eskor ba 3, too menutu 12 remata, Angola maka domina basket too jogu remata ho skor 21 ba Angola no TL halibur deit eskor 3 deit, tanba hahu husi jogu inisiu ekipa TL, hakaas aan duni tuir orientasaun treinador maibe too final, tenke simu derota nee, tanba jogadores baskebol husi Angola mesak ain aas no iha nanis esperensia no tatika atu soe bola hodi hatama ba argola.
Tuir Prezidente Federasaun Basket TL, João Gusmão Martins ba STL iha kampu Basket GMT Dili, hafoin Abertura Jogu Basket, Tersa nee (22/07/2025) agradese ba Prezidente Republika (PR), Jose Ramos Horta ohin mai abertura Jogus Desportu CPLP husi Federasaun Basket.
“Hau agradese ba PR, Jose Ramos Horta neebe ohin mai abertura ona ita nia Jogus Desportivu Basket, iha neebe Ita nia ekipa jogador mane husi TL mak joga hasoru Angola, iha ambitu Jogus Desportu CPLP neebe tinan nee TL mak sai uma nain,” dehan nia.
Nia haktuir tan katak, mezmu TL lakon, maibe eventu Internasional Jogus Desportu CPLP foin primeira vez realiza iha Nasaun TL.
Basket nee iha moedalide 2, tanba nee treaxtree, jogu ida nee foin primeira vez aplika iha Timor Leste liu husi jogus Desportivas CPLP iha TL ba dala XII hasoru ita nia maluk sira husi CPLP.
Jogus Basket treaxttre nee iha ita nia nasaun TL iha munisipiu lubuk ida hanesan iha Aileu, Manatuto nomos iha RAEOA maibe espesial ba iha jogus desportivas CPLP nee, tanba jogus ida neebe ba liu atletas sira neebe mak menus hodi 16 anos, tanba nee ita halo selesaun ba iha eskola lubuk ida, depois tais ba tais jogador sira nee mak foin hetan jogadores husi TL neebe mak tuir jogus iha Eventu Internasional Jogus desportivus CPLP no partisipa iha Basket nee, husi nasaun 5 kompostu husi feto ho mane, so mocambique maka mai feto deit, maibe nasaun 4 hanesan Portugal, Cavo Verde, Angola Moçambique no TL.
“Ita haree jogu bola basket nee anima ema barak tebes-tebes, ami husi federasaun hetan apoiu balun husi liur, obrigadu wain ba jogus ida nee sei lao ho susesu no ba maluk sira husi país CPLP, ami deseza Benvindu mai TL hanesan uma nain no jogu basket ida nee sei hahu husi loron Tersa 22 Julhu 2025 no final sei realiza iha loron 25 Julhu 2025.
Jogu dahuluk husi ekipa mane iha serimonia abertura nee, jogador nain 4 no lidera jogu nee husi arbitu Bruna Silva ho Samuel Morendo, Prezidente Meza, Judelia Nelia Fatima Eva ho akompanhamemtu husi Emelda Amaral ho Antonio Bernardo.
(jos)
