DILI, STLTIMORLESTE.com – Sekretariu Estadu Arte no Kultura (SEAK), Jorge Cristovão hamutuk ho Visi Ministra ASEAN, Milena Rangel atribui medalha ho kategoria rapidu ba manan nain jogu Xadres ho kategoria rapidu iha salaun CCD.
Jogu Xadres femenina Portugal hetan klasifikasaun primeiru lugar, segundu klasifikasaun husi Angola no terseiru Klasifikasaun husi Cabo Verde.
Nunee jogu Xadres masculino klasifikasaun primeiru husi Portugal. klasifikasaun segundu husi Angola no terseiru klasifikasaun husi Timor Leste (TL).
Atleta mane TL, Nelio Menezes hatoo sentimentu kontente hodi tuir jogu Xadres nee, tanba bele kompete ho kolega sira seluk husi nasaun CPLP.
“Durante loron rua nee hau sente kontente hodi tuir jogu Xadres nee, tanba bele kompete ho kolega sira seluk husi nasaun CPLP no hau aprende buat barak husi sira hodi bele aumenta hau nia kapasidade iha futuru,” dehan Nelio ba jornalista sira iha CCD, kuarta (23/07/2025).
Iha fatin hanesan, Francisca Garcia inan husi Nelio Menezes dehan, sente kontente tebes no hau mos la haluha hatoo hau nia agradese ba Governu TL no mos ba ekipa Xadres tomak durante fulan hirak nia laran hodi akonpanha jogu ida nee.
“Nia aprende jogu Xadre nee hahu husu tinan 6 no nia aprende jogu nee husi nia avo Tomas Fernandes, ba oin nuudar inan kontinua suporta nafatin nia iha jogu hanesan nee,” nia hakotu.
(EST 1)
