DILI, STLTIMORLESTE.com – Atleta Portugal okupa primeiru lugar iha jogu femenino, masculino no mistura iha jogu final ba modalidade Xadres kategoria klasiku/estandar iha ambitu jogu Desportivu Comunidade dos Países de Língua Portuguesa (CPLP) ba dala XII iha Timor Lese (TL).
Primeiru lugar masculino ba jogu Xadres kategoria klasiku okupa husi atleta Matvyi Farima husi Portugal, segundu lugar atleta Angola Tchilulo no terseiru lugar, atleta Ramos Celton husi Cabo Verde.
Primeiru lugar femenina jogu Xadres kategoria Klasiku okupa husi atleta Portugal Sofia Valente,.segundu lugar okupa husi atleta Angola Santana Daniela no terseiru lugar husi atleta Cabo Verde, Moreno Akiane.
Atleta Matvyi Farima masculino Portugal espresa sentimentu kontente, tanba lori nasaun nia naran hodi tuir jogu Xadres nee no ikus konsege sai primeiru lugar hodi lori fila medalha ba Portugal.
“Hau kontente tebes no ha’u lori medalha ba Portugal, Portugal neebe tau fiar mai hau lori nasaun nia naran hodi kompete ho kolega sira husi nasaun seluk, tanba ita bele haree katak jogador sira iha esperiensia no pratika barak kona-ba jogu nee, hau hakfodak iha jogu rua primeiru nee la fasil, maibe konsege manan,” dehan Matvyi ba jornalista sira iha CCD, Sesta (25/05/2025).
Iha fatin hanesan, Prezidente Xadres, Zeferino Viegas haten, Federasaun nafatin orgulhu ho preparasaun neebe mak limitadu tebes sei nafatin ganha vitoria barak ikus mai ita hetan terseiru lugar iha jogu Xadres modalidade rapidu mane nian no mos terseiru lugar iha Xadres mistura feto no mane.
“Jogu neebe mak iha hetan vantajen neebe mak barak tebes, vantajen primeiru ita sai uma nain, ita aprende katak organizasaun jogu internasional ladun diferente dook ho jogu sira neebe Federasaun Xadres Timor Leste neebe durante nee organiza.
Nia sublina, Federasaun sei dezenvolve aan hadia diak liu tan no sei hetan atleta barak liu wainhira hetan apoiu husi entidade relevante sira, laos governu deit, se deit mak apoiu Xadres, inklui desportu sira iha Timor Leste fiar katak futuru ita sei hetan sesasaun diak.
(EST 1)
