DILI, STLTIMORLESTE.com – Ekipa futebol U-16 Portugal hetan vitoria sai terseiru lugar hafoin halakon ekipa U-16 TL ho skor 4:1.
Jogu nee lidera husi Arbitu, Ailtan Cormelino, ajuda husi Juis lanha 1, Hendrique M. Pereira no Juis Lanha 2, Januario Saldanha, Prezidente meza lidera husi Koordenador Jeral Martinho J.C Ribeiro iha ambitu Jogus Desportu Komunidade Pais Lingua Portugues (CPLP) ba Dala XII tinan 2025, Sabadu nee, iha tuku 08:00 dadersan (26/07/2025).
Jogu nee halao iha Estadiu Munisipal Dili, lidera hsi Arbitu, Ailtan Cormelino, jogador sira hahu tama iha kampu, kanta uluk Hino Nasional Portugal, nunee mos Hino Nasional TL.
Bainhira Arbitu Ailtan Cormelino hahu huu apitu, bola neebe kaer husi Ekipa Jogador TL hahu lansa bola badak nunee hahu halo atake ba guarda redi Portugal no jogador sira husi Portugal, halai hasai bula husi jogador ekipa TL, adeptus sira husi Portugal no TL hahu haklalak maske kadeira neebe prepara husi governu iha stadion munipiu Dili iha maibe kuaze kadeira sira nee barak mak mamuk, tanba jogu dader san hateke loos deit ba loron manas iha parte loron monu, maibe iha areador karuk no loos, nakonu ho ema hodi asiste jogu entre Portugal no TL.
Jogu dahuluk, nee bola kuaze domina husi ekipa jogadores husi Portugal, sira lansa bola atake, soe ba jogador defeza liman karuk no defeza liman loos, nunee suta bola ba area defeza TL, maibe defeza TL la fo fatin ba ekipa TL.
Jogu kontinua lao, lansa atake ba malu iha kampu Estadiu Munisipal Dili, halo adeptus sira kontinua haklalak no basa liman hodi apoiu sira nia jogadores no durante jogu, ekipa rua nee hatudu Sira Nia Forsa ba malu ho tatika jogu neebe furak too jogu primeira parte remata iha 38 menutu ho skore 0-0.
Hafoin intervalu 10 menutus, arbitu hahu huu apitu ba ekipa rua kontinua jogu, ekipa rua hahu lansa atake ho bola badak no naruk oinsa bele hatama golu, haree ambiente jogu iha kampo laran, jogador TL ho antuziamu komesa troka sira nia ritmu jogu, ho maneira hadau bola no soe kedan ba area guara redi Portugal, nunee aproveita kedan bola naruk husi area defeza, simu kedan husi jogador avansadu ho numeru kamizola 11, ho naran Zyzeus Vong Lay neebe aproveit ketan momentu furak nee, konsege hatama kedan golu ida ba guarda Redi portugal neebe hein husi baliza, Joao Baptisa, la konsege salva bola, nunee ekipa TL hatama golu dahuluk nee ho kapaas.
Hafoin lansa golu dahuluk nee husi ekipa TL ba ekipa Portugal kontinua lansa atake no la fo fatin ba jogador sira husi TL atu lansa atake neebe forte, nunee liu deit menutu balun deit, ekipa Portugal ho numeru kamizola 17 ho naran Rodrigo Valente aproveita kedan oportunidade nee hodi hatama golu ida ba guarda redi TL neebe hein husi Manuel Pires, nunee rezultadu skor 1-1.
Jogo kontinua lao, ekipa rua nee kontinua lansa atake ba malu, maske iha oportunide lubuk ida husi Ekipa TL atu hatama golu, maibe parte defeza no guarda Redi husi portugal la fo fatin too jogu remata iha segundu parte ho rezultadu laiha mudansa husi ekipa rua atu lansa suta golu ba malu, nunee arbitu huu apitu naruk hodi remata.
Hafoin ida nee lideransa husi ekipa rua no Arbitazen konkorda atu suta Pintalti, entaun ekia jogadores husi TL suta bola primeiru konsege golu, maibe suta bola daruak no terseiru konsege salva husi guarda redi Portugal neebe hein husi Joao Baptista, maibe husi ekipa portugal suta bola dala 3 tui-tuir malu, lakonsege salva bola husi guarda redi TL neebe hein Joao Baptista, nunee jogu nee remata ho skore 4-1.
Jogador Ekipa husi Portugal:
- Manuel Pires (12) Baliza
- Simao Fiquiredo (2) Defeza
- Leonardo Lisboa (3) Defeza
- Guilhermo Miranda (6) Defeza
- Francisco Costa (4) Defeza
- Andre Duarte (11) Defeza
- Martim Barbosa (8) Mediu
- Goncalo Guerrero (9) Mediu
- Guilhermo Sousa (5) Mediu
- Goncalo Santos (16) AVD
- Alberto Bock (18)) AVD
Suplemete jogador Timor Leste:
- Deniz Mota (1) Baliza
- Luis da Silva (15) Mediu
- Rodrigo Valente (17) Mediu
- Joao Monteiro (10) Defeza
- Martim Cartela (14) Mediu
- Samuel Freire (7) Defeza
- Diogo Sousa (13) Mediu
Treinador Pedro Silva, Team Manager, Maria Pardanhas.
Jogador Ekipa husi Timor Leste:
- Joao Baptista (12) Baliza
- Inigo Braz (5) Defeza
- Jacob S.Maia (2) Defeza
- Geremias Barreto (19) Defeza
- Dramicio Moreira (15) Defeza
- Waldir Pereira (13) Mediu
- Paulo Anderson (8) Mediu
- Portazio C. Ku (6) Mediu
- Zyzeus Vong Lay (11) Mediu
- Jermano Junior (10) AVD
- Manuel Reinaldo (17) AVD
Jogador Suplenti Timor Leste
- Levadinho Casimiro (22) Baliza
- Gilson da Costa (14) Defeza
- Frenky do Carmo (7) Defeza
- Rooney Alberto (9) Defeza
- Filomeno Magno (18) Mediu
- Florindo Araujo (24) Mediu
- Octovio Gomes (20) Medio
Treinador: Mr. Kim Shin Hwan, Team Manager: Efren Geronimo.
(jos)
