DILI, STLTIMORLESTE.com – Ekipa Autoridade Inspesaun Fiskalizasaun Atividade Ekonomika Sanitaria no Alimentar (AIFAESA) halo inspesaun ba negosiante sira neebé faan ai-haan iha dalan ninin, ho objeitu halo sosializasaun no divulgasaun informasaun kona-ba oinsa prepara ai-haan nia kondisaun tuir regra AIFAESA.
Inspektora Jeral AIFAESA, Odete da Silva Viegas hatete, ohin AIFAESA hahu atividade inklui mos planu AIFAESA nian mak inspesaun ba negosiante sira neebé faan iha dalan ninin, halo inspesaun ida nee ba loron nomos kalan.
Nia dehan, saida mak AIFAESA hakarak halo iha situasaun sira hanesan nee, primeiru ekipa neebe AIFAESA identifika ona hamutuk ekipa 4 kompostu husi 5 pesoas neebe fahe tuir area Postu Administrativu 4 nee, maibe konsentra iha Dili laran.
“Objetivu atu halo inspesaun hahu uluk ho sosializaun divulgasaun informasaun kona ba kondisaun saida mak ita nia negosiante sira presiza hahu prepara, nunee sira bele fo mos atendimentu prestasaun servisu ida halao sira negosiu nee tuir duni padraun neebe AIFAESA hatoo,” hatete Inspektora Jeral AIFAESA, Odete da Silva Viegas ba jornalista sira iha Santa Cruz, Segunda (11/8/2025).
Nia dehan, ezemplu hahu preparasaun hahan kondisaun saida mak hodi prepara, alende de kondisoes ba iha higene ba iha sira nia servisu neebe fo higene pesoal mos parte, no saida sira ultiliza ba iha hahan rasik atu bele produtu aihan sira nee inklui mos produtu aihan nee rasik sei diak ka keta halo inspira ona, ida mos husi parte sosializasaun ida.
Nunee mos jestaun ba lixu nee rasik iha fatin negosiu, saida mak oferese labele mos risku ba konsumidores.
(joa)
