DILI, STLTIMORLESTE.com – Jurista Timorona Sergio Dias Quintas hatete, se deit bele hatoo petisaun inisial ba iha Tribunal Rekursu (TR), tanba nee direitu ida neebe garante ona iha lei.
“Hau nia hanoin ba se deit bele haoto petisaun inisial ba Tribunal, nee direitu ida neebe garantidu ona iha konstituisaun,” dehan Jurista Sergio ba jornalista STL iha Kaikoli, Dili, Tersa (12/08/2025).
Tuir nia, petisaun neebe Bankada FRETILIN hatoo ba TR hodi klarifika kona-ba desizaun fiskalizasaun, nee direitu ida husi kualker sidadaun.
Maibe agora direitu ba pedidu nee Tribunal mak sei haree no fundamenta, prosedente ka lae, prosedente nee kabe ona ba kompentensia Tribunal nia knaar.
“Tanba kazu sira hanesan nee faz parte ida husi edukasaun sivika ba ita nia sosiedade importante tebes, hodi ita nia sosiedade bele hatene, hodi labele halo konfuzaun,” dehan nia.
Iha fatin ketak, Deputadu Bankada FRETILIN, David Dias Ximenes dehan, hatama dokumentu ba iha TR, hodi husu TR atu fo klarifikasaun konaba akordaun ba pedidu neebe antes nee sira hatama husu atu halo Fiskalizasaun Abastrata.
“Lori dokumentu ida mai, no ami halo dokumentus ida nee atu husu klarifikasaun ka deklarasaun husi Tribunal nian konaba, akordaun neebe husi Fiskalizasaun Abastrata,” dehan nia.
(ter)
