DILI, STLTIMORLESTE.com – Timor Leste (TL) tama ba iha nee Associação das Nações do Sudeste Asiático (ASEAN), Governu tenke fo apoiu ba emprezariu nasional sira, ho nunee bele kompete ho emprezariu neebe pertensia iha ASEAN.
Lia hirak nee hatoo husi Reitor Instituto Ciência Saúde (ICS), Leão Borges ba jornalista STL, Kuarta (13/08/2025).
Nia dehan, presiza investe ba iha setor privadu sira, atu nunee sira mos bele kompete nasaun sira seluk neebe mak iha ASEAN nian laran.
“Ita nian emprezaria nasional sira ita presiza investe iha setor privadu sira, atu nunee sira mos bele kompete nasaun sira seluk neebe maka iha ASEAN. Tanba kompania nasional sira dala ruma sira nian fundu ekonomia nee ladun sufisiente, dala ruma sira bele hasoru defikuldade bainhira ita tama iha ASEAN, ema mai ho ema nian ekipamentus neebe maka avansadu, dala ruma fo impaktu neebe mak ladun diak ba ita nian emprezariu nasional sira,” nia haktuir.
Nia dehan, Governu tenke fo apoiu ba emprezariu nasional sira, atu nunee sira bele kompete ho nasaun neebe mak partensia iha ASEAN nian laran, tanba apoiu ba emprezariu nee importante tebes-tebes.
Iha fatin seluk, Dosente Universidade Dili (UNDIL), Felipe da Silva dehan, TL tama ASEAN nee diak, maibe oinsa halo preparasaun ba setor hotu, presiza iha preparasaun diak, para aban bainrua bele kompete.
(jac)
