DILI, STLTIMORLESTE.com – Sekretaria Estadu Igualdade (SEI) iha aprezentasaun proposta planu Orsamentu Jeral Estadu (OJE) 2026 ba Komite Revizaun Orsamentu (KRO), propoin osan adisional ho montante US$ 1,205,604.00.
“Tetu inisial husi Ministeriu Finansas ho montante US$1,155,830, 00 neebe fo, maibe la too para kobre ami nia atividade prinsipal, tanba nee ami sei halo fali proposta adisional ho montante US$ 1,205,604.00 para bele kobre ami nia atividade prinsipal sira ba tinan 2026,” hatete Sekretaria Estadu Iguladade (SEI), Elvina Sousa Carvalho ba jornalista sira iha Aitarak Laran, Kuarta (13/08/22025).
Nia dehan, planu atividade neebe iha prevensaun violensia bazeia jeneru halo atividade rutina neebe mak iha, haforsa institusional, programa inkluzaun sosial, SEI apresia tanba diskusaun KRO lao diak hetan esplikasaun husi SEI, liu-liu ba adisional sira nee, fiar katak sei mudansa ba iha orsamentu neebe iha.
“Ami tinan nee tetu neebe iha husi Ministeriu Finansas la fo transferénsia publiku, maibe ami husi pedidu adisional husu nafatin para mantein tranferensia publiku iha ami nia orsamentu para hodi halo atividade neebe ohin hau hatete empodera ba feto politika nomos iha ekonomia,” dehan nia.
Nia dehan, tetu nee fo brosur orsamentu, tanba nee mosu pedidu adisional katak kuaze tetu neebe fo nee redus orsamentu SEI aktual kuaze 40% hanesan nee, ho redusaun ida nee sei implika ezekusaun programa prinsipal sira neebe mak iha.
Tanba nee ohin aproveita KRO nee halo pedidu adisional, no fiar katak ho esplikasaun justifika ba pedidu adisional hotu neebe iha bele hetan konsiderasaun.
“Adisional neebe ami husu ho valor US$ 1.205,604.00 hetan aprovasaun laos hotu, maibe sei hetan mos aprovasaun balun,” nia tenik.
Ezekusaun OJE SEI nian ba tinan 2025 atinji 51%, konsidera ezekusaun nee lao ho diak ba tinan ida nee kompara ho tinan 2024.
Reuniaun KRO nee lidera husi Primeiru Ministru Kay Rala Xanana Gusmão ho prezensa husi Visi Primeiru Ministru no Ministru Koordenadór Asuntos Ekonómiku, Francisco Kalbuadi Lay, Visi Primeiru Ministru, Ministru Koordenador Asuntus Sosiais no Ministru Dezenvolvimentu Rural no Abitasaun Komunitaria, Mariano Assanami Sabino, Ministra Finansas, Santina Jose Rodrigues Viegas Cardoso, Ministru Planeamentu no Investimentu Estratéjiku, Gastão Francisco de Sousa no Visi Ministra Finansas, Felícia Claudinanda Cruz Carvalho.
Tuir Kalendariu reuniaun KRO 2026 nee hahu iha loron 05 Agostu 2025 no sei remata iha 23 Agostu nee.
(joa)
