TURISKAI, STLTIMORLESTE.com – Prezidente Republika (PR), Jose Ramos Horta hatete, nia sempre halo kontaktu ho Indonezia hodi hatudu Saudozu Nikolao Lobato nia ruin.
Prezidente Republika Jose Ramos Horta hatoo kestaun nee ba jornalista iha Binani, Postu Administrativu Turiskai, Munisipiu Manufahi, bainhira vizita saudozu nia fatin ikus hodi presta omenajen, Sabadu (16/08/2025).
“Hau sempre, bainhira koalia ho sira Indonezia, bainhira hau simu pose nuudar Prezidente halo kedas komisaun ida ho Komandante Longuinhos Monteiro, Alexadrinho no sira seluk tan sempre koalia ho Primeiru Ministru no sira ba too iha Indonezia. Hau rasik koalia ho Hindro Priono uluk kedas, hau koalia ho Susilo Bambang Yudhoyono. Antes koalia ho Susilo, koalia mos ho Ibu Mega sira hotu, too agora seidauk iha rezultadu 100%” katak Horta.
Nunee mos Jose Lobato oan husi Nikolao Lobato hatete, kona-ba ruin Saudozu neebe seidauk hetan nia ruin iha tempu luta laos sira deit maibe ema barak.
“Maibe hanesan ohin Senhor Prezidente dehan estadu mos halo ona esforsu ho estadu Indonezia, agora ita hein nafatin aprosimasaun neebe estadu Timor Leste halo ho estadu Indonezia,” katak Lobato.
(eme)
