DILI, STLTIMORLESTE.com – Publiku balu kestiona desizaun Tribunal Rekursu (TR) deside kona-ba segundu alterasaun lei Organizasaun Judisiariu nulu, tanba la prienxe prosedimentu ho Juiz nain tolu deit, maibe husi parte JSMP nian konsidera prienxe hela tuir diretiva neebe iha.
“Desizaun neebe TR foin hasai prense hela prosedimentu, naon ser iha razaun neebe fundamental duni katak hodi konsidera nulu ida nee la prense. Tanba se nunee ita tenke kestiona husi kazu sira anterior sira nain tolu maka tur hanesan kolektivu, agora kazu anterior neebe deside validu konstituisional hela, no ida nee maka mai ho argumentu seluk atu baralha, lolos kestaun rekejitus no legalidade nee tenke prense,” dehan Peskizador Legal JSMP, Luis de Olivera Sampaio ba jornalista sira iha Edefisiu JSMP, Kolmera, Dili, Segunda (18/08/2025).
Nia hatutan, iha kazu nee haree tuir hela nia dalan no prienxe rekezitu sira tau nain rua ka ida deit bele kestiona, maibe nain tolu nee prienxe hela.
Nunee mos kona-ba fiskalizasaun abastratu nee laos kazu foun, maibe kazu neebe antes nee Tribunal sira pratika halao tiha ona, bele Juiz nain tolu normalmente Juiz nain tolu prense ona koletivu nee nian, ida nee maka lao bazeia ba diretiva Prezidente Tribunal Rekursu anterior.
“Ita la hatene PTR aktual neebe iha hela polemika nee, asumi knar altera ona diretiva sira nee ka seidauk, atu dehan katak pedidu fiskalizasaun abastrata sira nee tenke Juiz nain lima ka nain hitu, maibe se seidauk iha regra no prosedimentu sira nee maka kontinua validu aplikavel to iha alterasaun ba diretiva nee,”dehan nia.
Iha fatin ketak, Jurista Alexandre Corte Real dehan, desizaun Tribunal Rekursu nulu.”Deklara nulu tanba, labele dehan Carmona lavale, Prezidente nomeia bazeia ba lei Organizasaun Judisiaria neebe Parlamentu Nasional aprova nee, lei nee sei vale entaun nomeasaun Prezidente Republika nian sei vale,” dehan Jurista Alexandre.
Nia hatutan, desizaun neebe Tribunal Rekursu foti nulu no lavale hodi dehan Prezidente Republika nomeia PTR la vale, tanba Prezidente nomeia bazeia ba PN aprova lei organizasaun Judisiariu neebe vale hela, se lei nee la funsiona mak PR nomeia la vale.
(ter)
