DILI, STLTIMORLESTE.com – Visi Primeiru Ministru no Ministru Koordenador Asuntu Dezenvolvimentu Rural, Mariano Asanami Sabino dehan, malnutrisaun kronika nee perigu ba futuru nasaun nian, no nasaun nee bele aat tanba ema neebe mak iha fizikamente ita kuidadu nia para bele moris naruk no kleur, maibe nee la produtivu.
Liafuan nee hatoo husi Mariano Asanami Sabino ba jornalista sira liu husi nia diskursu, hafoin partisipa iha serimonia estabelesimentu rede akademia SUN TL iha MESCC Kolmera, Tersa( 19/08/2026).
Nia dehan, rede akademia ida nee importante tebes para hatudu responsabidade nuudar intelektual, nuudar universidade responsabilidade ba iha konstrusaun estadu no nasaun nia.
“Iha responsabilidade atu hola parte mos hodi bele hamenus liu-liu ba iha malnutrisaun kroniku nee, tanba nee mak ita hotu hamutuk no hakarak apresia no agradese, kontinua servisu hamutuk bele kombate ida nee, hein katak tinan oin fali komesa ona haree, katak numeru malnutrisaun nee bele menus ba daudaun,” dehan Asanami.
Nia dehan, ema neebe mak malnutrisaun la han hahan neebe mak nutritivu, iha osan barak maibe hahan neebe mak nutritivu ou ses husi estatik husi malnutrisaun kroniku, bele akontese tanba wainhita osan neebe mak iha hola fali tua mak bele estraga nia saude.
Nia mos apresia ba reitor sira hotu, tanba imi hotu nia pasiensia lakon tempu mai iha nee hamutuk sai autor prinsipal atu dezenvolve ita nia ema hodi nasaun nee kontinua ba oin.
“Ita hakarak universidade sira mai peskiza lo-loos, halo metodu oinsa mak foti dadus neebe serteza liu kona-ba malnutrisaun kroniku,” katak nia.
Asanami dehan, wainhira ataka ona iha kogneti nee, malnutrisaun kroniku ka statis nee ita labele kura ona, fo nutrisaun para halo fali aas oituan bele karik, halo isin diak mas kakutak kuandu forma liu ona nia tempu nee labele ona.
“Ita nia kongneti nee la konsege formula iha 1000 dias wainhira bebe moris husi kedas kabun laran tanba estatik ka malnutrisaun kroniku mos bele mai husi inan, inan neebe mak málnutrisaun fo ba bebe neebe depois mai,” katak nia.
Nia afirma, ema mak sentru ba dezenvolvimentu, hotu-hotu edukasaun, saude, agrikultura mai iha setor sira seluk, infraestrutura sira nee hotu ba ema, tanba nee mak iha movimentu habelar nutrisaun nee mak agora daudaun iha redi importante mak iha ensinu superior liu-liu ba iha universidade sira.
(EST 1)
