DILI, STLTIMORLESTE.com – Bankada Partidu KHUNTO husu ministeriu sira atu sukat uluk sira nia kapasidade ezeksaun iha Orsamentu Jeral Estadu (OJE) 2025 antes husu orsamentu adisional boot iha OJE 2026.
Xefe Bankada Partidu KHUNTO, Deputadu Antonio Verdial hatete, iha ezekusaun orsamentu 2025 nee, iha ministeriu balu ninia ezekusaun nee ladun masimu, tanba nee atu husu orsamentu adisional iha OJE 2026 nee presiza sukat uluk lai kapasidade ezekusaun.
Tanba tuir nia, Timor Leste iha orgaun soberania haat neebe servisu iha interdepedensia ba malu, governu presiza rona rekomendasaun sira husi deputadu sira iha Parlamentu Nasional tanba reprezenta povu.
“Ezekusaun OJE 2025 nee iha entidade balun ninia ezekusaun seidauk masimu, tanba nee tenke tetu mos kapasidade governamental liu-liu ba lideransa neebe mak kaer governu nee atu tetu ninia kapasidade ezekusaun orsamenu nee masimu ga lae,” hatete Deputadu Antonio Verdial ba jornalista sira iha resintu PN, Dili, Segunda (25/08/2025).
Nia dehan, laos dehan povu fo fiar ba partidu ida atu kaer ukun neebe “Ita tau tuir ita nia hakarak, depois ninia rezutadu iha terenu nee ladun diak iha povu nia matan, tanba nee hau husu entre entidade governmental espesialmente ba Parlamentu nuudar reprezentante povu nee ho orgaun ezekutivu ezekuta orsamentu neebe Parlamentu aprova hodi halao dezenvolvimentu masimu ga lae, rezultadu signifikante nee ga lae iha terenu,” dehan nia.
(alb)
