DILI, STLTIMORLESTE.com – Governu liu husi reuniaun Konselhu Ministru aprova ona projetu Rezolusaun husi Primeiru Ministru (PM), Kay Rala Xanana Gusmão, hodi ezonera ka hasai Prezidente Autoridade Rejiaun Administrativa Espesial Oekusi-Ambeno (RAEOA), Rogerio Lobato ho estrutura husi RAEOA.
“Ezonera Prezidente no membrus Autoridade RAEOA nian, ho efeitu hahu iha loron 31 fulan Agostu tinan 2025,” haktuir nota komunikadu imprensa neebe STL asesu husi Media Ministru Prezidensia Konselhu Ministru, Kuarta nee (27/08/2025).
Iha biban nee Konselhu Ministru momeia estrutura provizoria RAEOA foun ida, hodi garante kontinuidade administrasaun nian hahu iha loron 1 fulan Setembru tinan 2025.
Iha reuniaun Konselhu Ministrus nee mos aprova projetu rezolusaun husi Primeiru Ministru, Kay Rala Xanana Gusmão, hodi Dizolve Komisaun Ezekutiva ho hanoin atu estabelese Zona Ekonomika Espesial Dezenvolvimentu Oekusi Ambeno (ZEEDOA), ho efeitu iha loron 31 fulan Agostu 2025.
(alb)
