DILI, STLTIMORLESTE.com – Eskola Sekundariu Teknika Vokasional ba Industria no Teknolojia (ESTV-IT) 28 Novembru Becora, seidauk submete lista finalista ba Ministeriu Edukasaun (ME).
Diretur ESTV-IT 28 de Novembru Becora, Tomas Pinto afirma, sira seidauk submete naran lista finalista neebe maka atu partisipa iha ezame nasional ba ME, maibe dala ruma sei submete iha semana ida nee nian laran. Total finalista hamutuk 89, feto 42 no mane 43. Nee kompostu husi departamentu 4 maka hanesan departamentu arte grafika, eletronika, eletrisidade no informatika.
“Ba ezame nasional ninia ami kria ona komisaun organizador, ba ezame nasional ninia ami nian ekipa ema nain tolu, maka sira sei eskoila sira nian ekipa atu bele organiza iha izame nasional ninia, Husi eskola nian preparasaun materia ba ezame nasional nian, hau hanoin nee kada loron lao diak hanesan bai-bain,” dehan Tomas ba jornalista STL, Segunda (01/09/2025).
Tomas hatutan, materia ba ezame nasional nian maka hanesan matematika, fizika, kimika, português no english, materia lima nee maka sei ba iha ezame nasional ninia, inklui ekonomia ba informatika nian iha departamentu tolu maka uza matematika, fizika no departamentu ida mak uza ekonomia, nee maka informatika.
Jornalista: Jacinta Sequeira
Editora: Domingas Gomes
