DILI, STLTIMORLESTE.com – Ba oin Departamentu Saude Polisia Nasional Timor Leste (PNTL) hamutuk ho Ministeriu Saude (MS) sei intensifika liu tan servisu hodi fo asisténsia saude ba membru polisia neebe enfrenta moras strok.
Tuir Xefe Departamentu Saude PNTL, Superintendente Assistenste Polísia, Analita do Rego Fatima dehan, durante nee membru polísia mos mate derepente, no ba membru polísia neebe moras bain-bain no moras mos barak, tanba ba oin nesesariu duni atu bele intensifika koopera ho MS, hodi fo tratamentu ba membru PNTL neebe mak moras stroke.
“Haree ba numeru mortalidade interiormente too agora aumenta, tanba nee mak departamentu saude PNTL agora esforsu aan atu servisu hamutuk ho MS ho ajensia sira neebe mak trata ba asuntu saude para halo prevensaun ba kolega sira PNTL komesa husi ajente superiór,” dehan Analita do Rego Fatima ba jornalista sira iha Komando Jeral PNTL Kaikoli, Tersa (2/09/2025).
Nia esplika, agora buka dalan ba membru polísia sira neebe stroke, hodi fo tratamentu ba sira maibé mos servisu hamutuk ho ospitál nasional, liliu Doutor Espesialista sira iha ospital nasional para bele fo tratamentu ba membru PNTL neebe moras grave hanesan stroke ona.
Xefe Departamentu Saude PNTL nee dehan, nia la fiksa dadus membru PNTL hira mak dadaun nee iha kondisaun moras ladun grave, gravé no stroke.
Jornalista: Jeniche da Costa
Editora: Domingas Gomes
