DILI, STLTIMORLESTE.com – Ministeriu Edukasaun (ME) liu husi rekursu umanu nasional hamutuk ho Komisaun Funsaun Publika (KFP) no Institutu Nasional Seguransa Sosial (INSS), halo esplikasaun ba profesores moras prelongada, kona-ba tabela salariu neebe sira atu simu iha reforma.
Diretor Rekursu Umanu Nasional iha ME, João Amaral dehan, ME servisu hamutuk ho KFP no INSS, hodi halo kontajen ba Profesores sira nia reforma, total injeral neebe identifika ona profesores moras prelongada hamutuk 258.
“Profesores moras prelongada nee hamutuk 258, nee kuaze ita identifika iha Munisipal hotu, tanba sei falta Munisipiu Dili no Ermera maka ita seidauk identifika, nee ita rekoila Timor laran tomak hotu,” dehan nia ba jornalista STL, Segunda
(08/09/2025).
Nia dehan, dadus professores moras prelongada neebe ohin mensiona nee ekipa identifika kuaze iha Munisipiu hotu, tanba maioria Munisipiu barak maka identifika ona, hela deit Dili no Ermera mak seidauk. Agora dadaun ekipa identifika hela professores moras prelongada iha Maliana.
Jornalista: Jacinta Sequeira
Editora: Domingas Gomes
