BAUKAU, STLTIMORLESTE.com – Aimoruk iha Hospital Rejional Eduardo Ximenes (HoREX) Baukau sufisiente, hodi atende pasiente sira.
Diretor Ezekutivu HoREX Baukau, Claudino Ximenes hateten, relasiona informasaun neebe espalha iha media sosial, desde fulan kotuk iha Hospital Rejional Eduardo Ximenes Baukau hasoru hela problema aimoruk, la-loos, tanba bainhira problema aimoruk Hospital taka ona.
“Nee husu ba sira, se informasaun nee loos Hospital taka tiha ona, sei loke hela nee quer dizer aimoruk iha hela nee mak Hospital sei loke hela nee,” hateten Claudino ba jornalista STL liu husi telefone, Tersa (09/09/2025).
Diretor Ezekutivu nee sente triste, tanba hospital sei halao hela atendimentu ba pasiente sira kada loron lao diak hela, maibe iha fali informasaun problema aimoruk iha HoREX Baukau nee la-loos.
Nunee husu ba publikasaun sira molok publika informasaun tenke halo konfirmasaun hodi hatene kondisaun reel iha terenu.
“Tanba hakarak naran boot laos halo buat sira nee para ema hotu asesu gaba sira, la hatene Hospital ema nakonu baixa hela ema la kestiona dehan aimoruk laiha,” Katak Claudino.
Durante atendimentu iha HoREX Baukau tuir Claudio seidauk iha pasiente ida kestiona kona-ba aimoruk no seluk tan, tanba atendimentu lao diak hela.
“Aimoruk lao hela laiha problema, tanba aimoruk lao hela, hanesan hau koalia se aimoruk iha problema Hospital taka ona Hospital sei lao nafatin moras sira laiha komplein nusa mak dehan aimoruk laiha,” dehan nia.
Jornalista: Tomas Reis
Editora: Carme Ximenes
