DILI, STLTIMORLESTE.com – Eis Prezidente Republika atual Prezidente Partidu FRETILIN, Francisco Guterres Lu Olo hatete, bele halo revizaun ba Konstituisaun Republika Demokratika Timor Leste (K-RDTL), maibe labele muda direitu estadu no direitu demokratiku.
Haktuir nia ba jornalista iha salaun CCF Komoro, Kinta (11/09/2025)
Nia hatete, iha konstituisaun mos hatete kada tinan 5 bele halo revizaun, maibe tinan 20 ona seidauk halo revizaun.
Konstituisaun rasik halo previzaun ona katak revizaun tenke halo mohon bele halo. Previzaun halo tinan 5 mandatu ida nia ba tinan 6 tenke halo nee, revizaun ida ho prosesu normal nia revizaun ida seluk bolu estra ordinariu nee bele halo tinan 2 nia laran. Buat sira nee hotu halo tiha previzaun iha konstituisaun nia laran maibe nunka akontese dala ida too agora konstituisaun dura ona kuaze tinan 20 kontinua nafatin deit.
Nia dehan, prosesu halo revizaun konstituisaun nia nee buat seluk ida, no primeiru revizaun konstituisaun premeiru parlamentu nasional tenke halo uluk aprova uluk lai lei ida konaba lei revizaun konstituisaun nia, preziza dois tersus votus bele define lolos prosesu revizaun konstituisaun nia.
Segundu lugar tenke haree konaba previzaun iha konstituisaun nia halo revizaun nee oinsa husi aspektu material ka husi aspektu formal nia ou temporal nia tenke limitasaun tenke tau konsiderasaun.
“Nunee mos limite materias signifika katak Parlamentu Nasional labele muda estadu direitu demokratika nia katak saida mak lori ita sai estadu direitu demokratiko nia rin forma de organizasaun poder politiko nia sistema multipartidarismo iha nia divizaun separasaun poder i independensia tribunais ida nee, tau hotu konstituisaun ida nee labele book. Ida nee bolu limite aspektu materias revizaun konstituisuan artigu seluk bele book ba mai laiha problema maibe nasaun nia rin labele book,” katak Lu Olo.
Ni afiema, ida bolu aspektu limite materias ba revizaun konstituisaun artigu seluk bele book laiha problema maibe nasaun nia rin labele book, no limite temporais nia hatete, labele halo revizaun iha tempu ida neebe iha estadu de sitiu ou estadu emerjensia, se halo revizaun iha tempu sira nee revizaun nee lavale maibe tenke halo revizaun iha tempu normal nia laran.
Jornalista: Emerenciana Pinto
Editora: Domingas Gomes
