BAUKAU, STLTIMORLESTE.com – Iha loron 12 Setembru 2025, parte loraik, mosu asidente iha area matebian hun Suku Abo, Postu Administrativu Matebian, Munisipiu Baukau, rezulta ema nain 6 kanek todan.
“Sim, asidente iha duni Abolir, dehan estajiadu sira nain 6 mak kanek todan, dehan sira nee atu ba halo peregrinasaun ba foho Matebian,” hateten Xefe Suku Abo, Fidelio Sarmento ba jornalista STL liu husi telefone, Sesta (12/09/2025).
Tuir informasaun neebe iha, estajiariu nain 6 refere hamutuk ho nia maluk sira ho kareta marka Cheguevara, objetivu halo peregrinasaun ba foho Matebian, maibe too area refere hetan asidente no estajiariu hirak nee husi eskola neebe no husi area neebe ba foho Matebian, parte suku seidauk hatene.
Mezmu nunee, komunidade sira ajuda ona no halo ona kontaktu ba parte Sentru Saude Kelikai atu evakua vitima sira ba halo tratamentu saude.
Liga asuntu nee jornalista STL tenta konfirma Xefe Sentru Saude Kelikai, Domingos Boavida, maibe seidauk bele fo komentariu, tanba ekipa seidauk too fatin akontesimentu.
Jornalista: Tomas Reis
Editor: Xisto Mendonça
