DILI, STLTIMORLESTE.com – Diresaun Nasional Edukasaun Inkluzivu Asaun Sosial Eskolar (DNEIASE) halao sensibilizasaun ba autoridade lokal iha munisipiu.
Diretor Nasional Edukasaun Inkluzivu Asaun Sosial Eskolar, Fernando Soares dehan, foin dadaun halo ona sosializasaun ba autoridade lokal sira nomos sensibiliza ba sira.
“Foin dadaun ita halo ona sosializasaun ba ita nian autoridade lokal sira nee, ita sensibiliza ba sira. Depois ita nian autoridade lokal sira mak sei direita ba ita nian komunidade sira, liu husi sensibilizasaun nee mak ita hatoo ba autoridade lokal sira, oinsa direitu ba ema ho defisiensia sira, liu-liu inan aman sira, hodi oinsa haruka oan defisiensia bele asesu ba iha edukasaun, hanesan ho sira nian maluk sira seluk,” tenik nia ba STL, Segunda (15/09/2025).
Nia dehan, uluk halo sensibilizasaun ba autoridade lokal sira iha Munisipiu Baucau, Ermera no Dili, tanba familia ida-idak mak lori oan defisiensia sira bele asesu ba iha edukasaun, liu-liu eskola neebe besik.
Iha fatin la hanesan, Diretor ADTL, Cesario da Silva dehan, famÃlia liu-liu inan aman neebe iha oan defisiensia presiza lori ba eskola, tanba sira iha direitu atu asesu ba iha Edukasaun, hahu husi nibel pre eskolar too ensinu superior.
Jornalista: Jacinta Sequeira
Editora: Domingas Gomes
