DILI, STLTIMORLESTE.com – Ministeriu Edukasaun (ME) ho Ministeriu Administrasaun Estatal (MAE), sei halo konstrusaun foun sala 14 iha Ensinu Baziku Central (EBC) Manleuana.
Liafuan nee haktuir husi Diretor Ensinu Baziku Central (EBC) Manleuana, Carlos Correia ba STL, Sesta (26/09/2025).
“Ami nian sala de aula nee mak sira mai haree ona, atu baku rahun ami nian eskola sorin nee. Ami nian sala 14 nee sei halo husi ME ho MAE, sira atu halo andar hotu. Horseik sira mai haree ona, ME sei halo sala 8 no MAE sei halo sala 6, nee mak sala hamutuk 14 nee,” dehan Correia.
Nia afirma, sala 14 neebe mak ME ho MAE atu halo konstruksaun foun nee, halo andar hotu tuir informasaun husi ME nian dehan hahu fulan ida nee atu halo ona,no husi MAE ninia sei hahu iha Janeiru de 2026.
Jornalista: Jacinta Sequeira
Editor: Domingas Gomes
