DILI, STLTIMORLESTE.com – Estudantes husi eskola sira iha Munisipiu Likisa hahu prepara aan ba iha ezame III periodu ninia.
Diretor Servisu Edukasaun Munisípiu Likisa, Julio da Silva afirma, agora daudaun eskola prepara ba ezame III periodu nian lao hela.
“Nee laos tempu ezame deit mak ita orienta, maibe beibeik ita fo atensaun ba estudantes sira katak, tanba atu garante nia kualidade sempre fo atensaun beibeik ba ita nian eskola sira. Tempu besik ita nian estudantes sira sei partisipa iha ezame III periodu ninia, tanba nee estudantes idak-idak tenke estuda,” dehan nia ba STL liu telefone, Kinta (06/11/2025).
Julio hatete, ezame III periodu nee sei halao iha loron 17 Novembru tinan nee. Total estudantes iha Munisípiu Likisa neebe mak sei partisipa ezame III periodu nee ba Eskola Baziku 20,341, Eskola Sekundariu Jeral 3,930 no Eskola Sekundariu Tekniku Vokasional 460.
Jornalista: Jacinta Sequeira
Editora: Domingas Gomes
