DILI, STLTIMORLESTE.com – Relasiona ho kazu neebe akontese iha Munisipiu Vikeke, neebe suspeitu ho inisial GG taa kotu nia feton rasik nia liman, daudaun nee suspeitu tama ona prizaun preventiva.
Tuir Portavoz Seguransa Interinu Ministeriu Interior, Superintendente Assistente Polisia, Mouzinho T. Correia katak, iha semana refere dia 30 nee iha mos kazu ida konaba asaltu malu entre familia uma laran. Neebe suspeitu ho inisial GG taa kotu nia feton rasik nia liman.
“Kazu nee ita nia polisia prosesu ona no dia 4 Novembru aprezenta suspeitu ba primeiru integratoriu iha Tribunal Distrital Baukau no rezultadu suspeitu hetan prizaun preventiva, no vitima sei halo tratamentu iha Ospital Referal Baukau,” dehan nia ba jornalista sira liu husi konferensia imprensa iha salaun MI, Kinta (06/11/2025).
Nia esplika, kazu nee Komando PNTL Munisipiu Vikeke halo investigasaun katak, kazu nee akontese tanba dezentendimentu iha familia uma laran.
“Dezentendimentu entre suspeitu ho nia feton rasik, maibe informasaun dehan hadau malu rai nee lalos ida,” nia deklara.
Jornalista: Jeniche da Costa
Editora: Domingas Gomes
