DILI, STLTIMORLESTE.com – Servisu Migrasaun no Polisia Nasional Timor Leste (PNTL) liu husi Dores ain Tranzitu Rodaviariu hatama reseitas hamutuk US$ 52,445.00 ba kofre estadu.
Portavoz Seguransa Interinu Ministeriu Interior, Superintendente Assistente Polisia, Mouzinho T. Correia afirma, periodu refere rekolha reseitas hamutuk US$ 52,445.00 ba kofre estadu.
“Iha periódu refere ita rekolha reseitas hamutuk $52,445.00 ba kofre estadu kompostu husi veikulus ultrapasa iha postu integradu sira, koimas ba infrasaun kódigu estrada no reseitas husi Servisu Migrasaun nian,” hatete Mouzinho ba jornalista sira liu husi konferensia imprensa iha salaun MI, Kinta (06/11/2025).
Nia katak, entretantu relatóriu taxa reseitas neebe rekolla husi fronteira Postu 4 mak Batugade, Salele, Sacaato, Oesilo husi dia 27 too 31 Outubru ho total US$ 3.201.00.
Nia afirma, koimas neebe tama iha taxa estadu husi dia 27 Outubru too 2 Novembru 2025 neebe rejista iha sistema jestaun insidenti no rejistu manuál husi tranzitu nasional inklui osan koimas ba infrasaun total US$ 4.145.00.
Jornalista: Jeniche da Costa
Editora: Domingas Gomes
