DILI, STLTIMORLESTE.com – Dili Instituto Teknology (DIT) kolabora ho Telkomcel realiza seminariu internasional ho tema “Digital Finance for Development leveraging AI and Digital Tecnology for subtainable growth”.
Iha biban nee Pro Rector of Academic DIT, Aderita T.dos Santos, liu husi nia diskursu agradese ba Maromak, tanba bele halibur hamutuk hodi partisipa seminariu internasional ho orador sira neebe mesak importante deit.
iha DIT Kuarta 19/11/2025.
“Agradese tanba liu husi ita nia parseiru Telkomcel bele tulun ita iha akademiku DIT ida nee lafasil, maibe tanba serbisu hamutuk Telkomcel hakarak mai DIT realiza seminariu nee. Ami husi DIT hatoo agradese ba ita nia parseru sira, espera ita nia parseru sira seluk mos bele tuir ida nee no bele tulun atu dezenvolve ita nia estudante sira nia kapasidade,” katak nia iha DIT, Kuarta (19/11/2025).
Nia hatete, liu husi serbisu ida nee bele realiza seminariu neebe bele iha kualidade hanesan ohin loron seminariu Internasional.
Nunee mos Senior Manajer B2b Sales And Produktif husi Telkomcel, Samantha Abel ba STL hatete, atividade ohin telkomcel kolabora ho DIT halao seminariu internasional ida konaba dizital finance oinsa bele utiliza AI no utiliza teknologia iha prosesu finansas nia.
“Ohin ami kolabora hamutuk ho DIT, ida nee tanba telkomcel ho DIT hanesan parseru i ami nia kolaborasaun no koperasaun laos deit iha fornesementu iha internet nia, maibe mos iha parte kapasitasaun husi parte telkomcel no DIT. Atividade nee pasparte husi ami nia koperasaun servisu hamutuk,” dehan nia.
Nunee mos Oradora, hanesan mos Diretora IQA Dosente no Peskizadora DIT, Tereza Belo hatete, DIT kolabora ho Telkomcel realiza seminariu Internasional hodi kapasita ba estudante sira oinsa utiliza dizital ho diak.
“DIT kolabora hamutuk ho Telkomcel realiza seminariu koalia konaba Internasional konaba Dizital Finance, nee laos deit akontese deit iha Timor maibe iha nasaun seluk,” deh nia.
Nia afirma, partisipante neebe mak partisipa iha seminariu nee mai husi estudante DIT rasik, husi fakuldade kontablidade no finansas.
Nia hatete, iha seminariu nee nia sei matenek neebe nia hetan konaba Finansia Fraud neebe akontese iha Timor nomos iha nasaun seluk maibe iha prespektiva akademiko nia.
Nia hatete, konaba burla finansia nee babain akontese, tanba dala barak ema laiha koinesmentu konaba ida nee tanba nee halo Timor oan barak sai vitima no balun involve iha jogu online ho nia esperansa katak bele hetan osan lalais maibe ida nee mos hanesan burla skam neebe dala barak ema uza tanba laiha koinesementu ema aproveita hodi hais Timor oan sira.
“Agora dadaun ita iha era dizitalizasaun entaun fasil tebes ema husi nasaun seluk tama iha Timor husi rede mafia no balun halo promesa neebe latuir dalan, tanba dala barak ema hanoin hau tau osan iha neeba oinsa bele hetan osan lais, maibe realidade Timor oan barak mak sai vitima, entau liu husi seminariu ida ohin bele loke joven Timor nia hanoin nunee bele prevene aan,” katak Diretora nee.
Iha biban nee nia mos husu ba estudante sira atu aproveita seminariu nee ho diak, nunee bele hasae sira nia koinesementu iha mundu dijital.
Jornalista: Emerenciana Pinto
Editora: Domingas Gomes
