DILI, STLTIMORLESTE.com – Diretor Eskola Sekundariu Nobel da paz, Jeremias P. de Jesus hatete, Eskola Sekundáriu Nobel da Paz sei halo moru protesaun, maibe sei tau prioridade uluk ba konstrusaun hodi aumenta sala de aula ba estudantes sira.
“Ami iha planu atu halo moru protesaun, tanba hanesan ita boot sira haree katak, too ohin loron ami seidauk iha moru protesaun, tanba nee ami iha ona planu atu bele halo ami nian moru, maibe agora daudaun ami sei tau prioridade halo konstrusaun foun, nunee bele aumenta sala prosesu aprendizajen ba ami nian estudantes sira,” dehan Jeremias ba STL, Sesta nee (21/11/2025).
Maibe nia dehan, oras nee dadaun sira halo hela konstruksaun eskola Nobel ho andar rua ona, primeiru konstruksaun nee halo andar rua remata ona ,no segundu konstruksaun nee ninia okos remata ona ,hein parte leten ninia hada tan batako para bele finaliza ona.
“Moru nee bainhira ami nian konstruksaun eskola ho andar nee remata mak ami bele halo moru, ho nunee bele asegura diak liu tan ami nian eskola ida nee, nee duni sala de aula ami aumenta dadaun ona,” hatete Jeremias.
Jornalista: Jacinta Sequeira
Editora: Carme Ximenes
