DILI, STLTIMORLESTE.com – Governu hahu halo preparasaun ba fatin selebrasaun 28 Novembru neebe sei selebra iha Palasiu Governu.
Tuir observasaun neebe STL hetan iha loron Sabadu (22/11/2025), Governu liu husi Ministeriu Administrasaun Estatal (MAE), hahu halo ona preparasaun ba fatin selebrasaun loron proklamasaun independensia Republika Demokratika Timor Leste ba dala 50 iha Palasiu Governu.
Serimonia loron proklamasaun independensia Republika Demokratika Timor Leste ba dala 50 ho lema ‘que a celebracao comfianca no presente e esperanca no futuru’, no seromonia nee sei halao iha Palasiu Governu. Oras nee dadaun parte lojistika hahu monta ona tenta sira iha fatin refere.
Biban nee Visi Ministru Assuntu Parlamentar Aderito Hugo da Costa dehan, Komisaun Organizasaun mai husi MAE intensivu liu konsentra ba selebrasaun iha nivel nasional nia i mos koordenasaun intensivu ho Prezidente Autoridade Munisipiu (PAM), hotu hotu inklui RAEOA nomos administrasaun postu sira, para selebrasaun nee iha nivel nasional no nivel Munisipiu nomos nivel posto administrativu kordenasaun direita ho Ministru Administrasaun Estatal.
“Selebrasaun tinan 50 Proklamasaun Unilateral Independensia Timor Leste nian, entaun komisaun organizadora envia konvite ba entidade sira husi pais amigo sira. Hau seidauk bele konfirma ho Ministru Administrasaun Estatal sobre konvidados sira husi pais amigo sira hira mak konfirmado mai partisipa,” dehan Hugo ba jornalista iha Palasiu Governu, Sabado (22/11/2025).
Komisaun organizasaun mai husi MAE intensivu liu konsentra ba selebrasaun iha nivel nasional nian nomos koordenasaun intensivu ho PAM hotu hotu inklui RAEOA nomos administrasaun postu sira. Para selebrasaun nee iha nivel nasional no nivel Munisipiu nomos nivel posto administrativu kordenasaun direita ho Ministru administrasaun Estatal.
Foin lalais Ministru Administrasaun Estatal Tomas Cabral mos relata ona preparasaun hotu ba iha Prezidente Republika Jose Ramos Horta iha Palasiu Prezidensial.
Jornalista: Emerenciana Pinto
Editora : Domingas Gomes
