DILI, STLTIMORLESTE.com – Kazu online neebe akontese iha Oekusi, arguidu nain neen (6) hetan Prizaun Preventiva (PP) no prosesu refere investigasaun kontinua lao.
Tuir Prokurador Jeral da Republika, Nelson de Carvalho katak, kona-ba prosesu kazu online investigasaun kontinua lao hela.
“Iha hela prosesu investigasaun nia laran, Prokurador Titular kontinua hela faze investigasaun,” dehan PJR ba jornalista sira iha Palasiu Governu, depois de partisipa selebrasaun loron Proklamasaun Independensia Unilateral ba dala-50, Sesta (28/11/2025).
Nia dehan, ema sira neebe envolve iha prosesu nee balu oras nee daudaun iha hela Prizaun Preventiva, tanba nee prosesu nee tenke lao nafatin.
Antes nee, arguidu sira neebe envolve iha jogo refere iha Oekusi submete ona ba iha prosesu Primeiru Interogatoriu.
No ikus mai Tribunal Oekusi liu husi Juiz Turnu deside hodi aplika Prizaun Preventiva ba arguidu nain 6, hodi asegura arguidu sira ba iha prosesu investigasaun.
Jornalista: Terezinha De Deus
Editor: Xisto Mendonça
