DILI, STLTIMORLESTE.com – Jurista Timor oan, Sergio Dias Quintas konsidera katak, tempu ona atu halo revizaun ba Konstituisaun, maibe tenke iha konsensus politiku.
Nia dehan, atu halo revizaun ba konstituisaun tenke tuir regra iha artigu 154 numeru 1.
“Tuir hau nia hanoin, atu halo revizaun ba iha konstituisaun tenki tuir regra iha artigu 154 numeru numeru ida katak, Deputadu no Bankada Parlamentar sira maka halo inisiativa revizaun nian ba Lei Inan. Ita hatene katak numeru membru Parlamentu 65 Deputadus, iha konsensu politiku ruma maka bele halo revizaun, “dehan Jurista Sergio ba STL, iha Kaikoli, Dili, Tersa (09/12/2025).
Nia hatutan, liu liu dois tersu husi membru Deputadus bainhira iha aseitasaun politika maka revizaun nee bele akontese.
Tuir artigu 95 numeru numeru rua dehan katak, aprova revizaun ba Lei Inan husi maioria baluk tolu rua (2/3) signika katak, bainhira halo revizaun ba normal konstituisaun tenki prense rekezitu sira nee, membru Parlamentu 65 Deputadus tenki maioria husi numeru nee aseita maka bele halo revizaun, mais ou menos 43 ka 45 Deputados iha konsensus ruma bele akontese revizaun.
Iha fatin ketak, Akademiku UNTL Rafael de Jesus dehan, importante halo revizaun ba iha Konstituisaun, maibe tenke tuir regra neebe iha.
“Hau hanoin importante duni halo revizaun, maibe tenke tuir regra neebe iha,” dehan nia.
Niahusu atu halo revizaun, atu haree fali artigu sira neebe la relevante ona, tenke hadia ka muda fali. Hanesan Akademiku tau konfiansa ba iha PN atu hare kona-ba ida nee.
Jornalista: Terezinha De Deus
Editora: Carme Ximene
