DILI, STLTIMORLESTE.com – Prezidente Mocambicano ezonera embaixador sira husi nasaun hitu (7) inklui Timor Leste (TL), tanba Embaixador TL ba Moçambique mandatu mak remata ona.
Kestaun nee hatoo husi Prezidente Republika, Jose Ramos Horta ba jornalista sira iha Palasiu Prezidensial Nicolau Lobato, Bairo Pite, Kuarta (10/12/2025 ).
PR hatete, Prezidente Republika Moçambicano ezonera Embaixador TL tanba mandatu mak remata ona, nunee nomeia seluk hodi troka embaixador sesante.
Embaixador TL iha Indonezia mak toma konta, Timor nia remata nia mandatu ona, entaun ezonera nia fila, hanesan mos antes hau nomeia ema foun tenke ezonera, no ezonera nee laos buat ida hanesan pozitivu nee lae, formalmente tuir lei ezonera, ezonera tiha mak nomeia foun.
Prezidente Republika hatete, nia mos rona ona informasaun husi Embaixador TL ba Indonezia neebe hanesan mos ba Moçambique katak nia mandatu remata ona, tanba nee nia sei fila fali mai TL.
Iha biban nee Prezidente Republika Jose Ramos Horta hatoo pedidu ba Prezidente Moçambique foun atu loke sira nia embaixada iha Timor Leste.
Embaixador hatete ba hau ona semana liu ba nia iha nee nia hatete hau, nia atu fila ona, tanba nia mandatu tinan 6 iha Jakarta, entaun sira seluk hau fo, maibe hau nia pedidu ba Prezidente Moçambique foun mak nee, loke embaixada Moçambique iha nee, labele nafatin deit iha Jakarta mak toma konta ba Timor,” dehan Prezidente Republika.
Prezidente hatete, nia husu kleur ona ba Angola ho Prezidente foun João Lourenco ho Prezidente nia vizita estadu ba iha neeba husu no loke kedas.
“Hau husu kleur ona ba Angola ho Prezidente foun João Lourenco ho hau nia vizita estadu ba iha neeba husu nia loke kedas, la kleur no la demora husu nia loke kedas, entau ita mos loke fila fali ita nia embaixada iha angola,” dehan PR Horta.
Foin lalais Prezidente Moçambique, Daniel Chapo ezonera embaixador husi nasaun 7 inklui mos Embaixador TL ba Moçambique iha semana kotuk.
Jornalista: Emerenciana Pinto
Editor: Xisto Mendonça
