DILI, STLTIMORLESTE.com – Prezidente Republika (PR), Jose Ramos Horta hatete, too oras nee seidauk simu lista ruma husi Primeiru Ministru Kay Rala Xanana Gusmão, atu halo remodelasaun ba membru Governu.
Nia hatete, too oras nee nia seidauk simu informasaun ka lista ruma husi Primeiru Ministru Kay Rala Xanana Gusmao atu halo remodelasaun ba membru Governu, tanba nee informasaun neebe espalha iha publiku katak, Prezidente simu ona lista remodelasaun nee lalos i hoax.
“Isu nee lalos Prmeiru Ministru nein dala ida, tinan 3 ona hau nia Prezidensia nein koalia ba hau konaba remodelasaun ruma, laiha liu i hau la koalia hatete ba Primeiru Ministru halo remodelasaun, nee kompetensia 100% husi Primeiru Ministru nian. Se nia hakarak halo entau halo, hau lamete ida nee. Hau hatene deit normalmente iha mundu remodelasaun nee normal, maibe Governu agora Jullu mai kompleta tinan 3, entau falta deit tinan 2 mais tinan 2 lolos konta deit tinan 1 ho balun, tanba ultima 6 meses labele halo ona buat ida,” dehan
Prezidente Republika Jose Ramos Horta ba jornalista iha Palasiu Prezidensial Nicolau Lobato, Bairru Pite, Tersa (16/12/2025).
Prezidente Republika hatete, se halo remodelasaun iha 2026 nee mos tarde ona oituan, no isu neebe mak dehan simu ona lista remodelasaun nee lalos.
Jornalista: Emerenciana Pinto
Editora: Domingas Gomes
