DILI, STLTIMORLESTE.com – Prezidensia Republika (PR) hamutuk ho Governu realiza natal hamutuk ho prizioneiru sira iha Bekora.
Prezidente Republika reprezenta husi Asesor Quintiliano Monis ho ekipa no Primeiru Ministru Reprezenta husi Visi Primeiru Ministru nomos Ministru Justisa, Ministra Edukasaun, Ministra Solidaridade sosial no membru Governante seluk inklui Padre, fahe domin no ksolok Natal hamutuk ho prizioneiru sira iha Bekora.
Iha biban nee Visi Primeiru Ministru ,Francisco Kalbuady Lay liu husi diskursu iha Prizaun Bekora, Tersa (23/12/2025) hatete, liu husi natal no tinan foun hotu hotu bele halo reflesaun no valores esperitu domin pas no prosperiedade.
“Inan aman sira hau nia oan sira neebe uluk ita hasoru malu ita hakoak malu iha fatin ida nee ohin hau mai fali hamutuk ho grupu boot ida no konvidadu barak tebes, hau hanoin hanesan nee ita hotu hotu moris iha mundu, ida nee Amu mak hatene liu ami aprende hanesan sarani karik sarani sira sempre tuir amo sira nia ain fatin katak, Maromak ba ita hotu laiha ema ida prefeitu iha mundu termasuk hau, maibe tanba komportamentu no imi nia hahalok mak ohin hau rona ona husi senhor Ministru justisa koalia ona lubuk ida ami hotu termasuk Avo nain rua hakarak haree loron ruma katak imi sira neebe iha nee liu liu joven sira apa katuas imi ba fali vida normal kontente loron ruma mai hamutuk ho ami mai iha nee mai hatudu katak fatin ida nee ita sala nain maibe ita mos iha esperansa no futuru neebe hein hela ita ba aban bainrua,” dehan Visi Primeiru Ministru, Kalbuadi.
Nia dehan, kontente tanba banda muzika entrega ona ba prizioneiru husi Asesor Prezidensia Republika, no kontente liu tan ohin mai fali h Ministra MSSI, padre no ekipa Prezidensia Republika ho ekipa lubuk ida, mais hakfodak oituan tanba ohin espesial tebes laos tanba dosi no sampanha, maibe tanba domin ho solidaridade neebe mak Governante sira mai hatudu ba prizioneiru sira.
“Neebe lori Prezidente nia naran, ho Primeiru Ministru nia naran dala ida tan ami hotu hotu hatoo Feliz Natal bai ta boot sira hotu no prospero ba ano Novu 2026, Maromak sei haraik grasa ba ita hotu hotu fo saude diak bai ta boot sira hotu, ami hotu nia domin ho hakoak boot ba imi hotu feliz natal,” hatete governante nee.
Nunee mos Ministru Justisa (MJ), Sergio Hornai hatete, iha Prezidensia Republika iha organizasaun naun Governamentais nasionais no internasional, hamutuk iha fatin nee hodi partilha no festeza Natal kmanek hamutuk ho prizioneiru sira.
“Ohin ita nia Visi Primeiru Ministru ho hau nomos PR no Governu nia marka dal aida tan atu hatudu domin ba prizioneiru sira rohan laek, hanesan refleksaun neebe reveredum Padre Sico halo tiha ona haklean tan husi ita nia joven nain rua ho vizaun umanismo neebe iha ohin halo mos refleksaun iha nee,” dehan MJ, Sergio.
Nia hatutan, prizioneiru sira lamesak iha sosiedade ida nee, maski iha uma prizaun laran hateke deit ba uma sorin sorin furak beleza iha laran, bele kalohan bele manas bele udan ho ristrisoens limita balun ba ho direitu balun tanba nee tenke iha nee duni.
Maibe iha loron sira importante hanesan natal, nomos loron selebra nasional importante sira nasional ka internasional sira ba prizioneiru sira nia, Prizioneiru sira lamesak.
Nunee mos Diretor Prizaun Bekora, Agapito Canto hatutan, tuir programa tinan tinan sempre selebra natal hamutuk ho prizioneiru sira laos iha Bekora deit, maibe iha Suai no Gleno hanesan.
“Ami sente orgulhu no agradese tanba iha tinan ida nee, membru Governu bele mai partisipa hotu no husi Gabinete Prezidente nia visi PM ho Ministru no Ministra, mai hotu partisipa natal hamutuk ho prioneiru sira,” dehan Agapito.
Nia hatete, iha natal hamutuk nee ekipa Prezidensia Republika nomos Governu fahe mos prendas ba prizioneiru sira nee laos foin, maibe kada tinan sempre lori prezente ba prizioneiru.
Jornalista: Emerenciana Pinto
Editora: Carme Ximenes
