DILI, STLTIMORLESTE.com – Bazeia ba planu governu hodi halo alargamentu ba dezenvolvimentu iha Kapital Dili, governu hatun ona markasaun ba uma komunidade husi Aldeia Anin Fuik Ai-tarak Laran, Suku Kampung Alor, Postu Administrativu Dom Aleixo, Munisipiu Dili hamutuk uma-kain 654 sei hasai, tanba hetan ona markasaun husi estadu.
Informasaun nee hatoo husi Xefe Aldeia Anin Fuik Ai-Tarak Laran, Francelino Maia ba STL iha Sede Suku Kampung Alor, Kuarta (7/1/2026).
Tuir Francelino husi numeru uma neebe estadu tau ona markasaun iha parede hamutuk 654, maibe husi total nee uma nain balu laos orijin husi Aldeia Anin- Fuik. Tanba uma balu nain mai husi suku seluk, balu husi Suku Motael balun husi munisipiu seluk. Nee duni, tuir dadus lolos komunidade neebe orijin husu Aldeia Ani Fuik tuir monografia neebe iha ho total 339 uma-kai. Ho total ida nee wainhira sai hotu kuase komunidade husi aldeia ida nee sei mamuk, tanba komunidade sira neebe konsedera rai privadu la barak ona kuaze iha uma 32 maka aldeia nee konsidera bele lakon, lakon tanba populasaun la iha ona.
Francelino fundamenta, karik ida nee mak akontese nuudar xefe aldeia sente triste, maibe buat hotu-hotu nasaun presiza tanba buat ida dezenvolvimentu, neebe ita dehan triste ona empat nee lae. Triste oituan maibe kontente barak tanba ho dezenvolvimentu neebe iha sei rai hela ba jerasaun sira nia moris ba rai ida nee iha future mai.
Kona-ba fatin foun ba komunidade nia dehan, nuudar autoridade local, maske uma sira nee hetan ona markasaun maibe too ate adata dia 7 de Janeiru 2026 seidauk hetan informasaun ruma husi governu karik loron ruma muda sai populasaun sira nee, tau fali iha neebe seidauk hatene. Tanba planu fiksu husi governu kona-ba data neebe determina atu hasai populasaun sira husi fatin refere seidauk hatene maibe uma neebe tama ona lista governu atu hasai hetan markasaun hotu ona.
“Kerdiser governu halo ona planu atu hasai komunidade husi fatin neebe konsidera patrimoniu estadu tanba governu iha ona planu atu hatuur buat ruma iha rai Ai-Trak Laran mak sira hodi koalia ba povu katak tempu badak sira sei presiza fatin nee, se sira la iha planu naumedigas sira mai marka, maibe desizaun husi governu mai autoridade local seidauk iha,” katak Francelino.
Liu husi biban nee Francelino mod dehan pouplasaun Aldeia Anin Fuik pronto koopera nee duni populasaun pronto, hein deit bainhira maka desizaun governu tuun tenki koopera ho governu atu nunee bele halo dezenvolvimentu ba rai ida nee. Nunee mos, tuir observasaun STL aleinde uma komunidade hamutu 654 husi Aldeia Anin Fuik hetan markasaun hasai, iha mos fatin balun husi parte Edifisiu Radio Rankabian ka Masjid Annur oin uma balun mos hetan markasaun hein desizaun bainhira maka hasai.
Reportajen: Germano de Sousa
